web counter
LEXO PA REKLAMA!

SHKARKO APP

App Store
Google Play

E fundit!

x

Dash Sula: Basha, mashtruesi i paskrupull që doli “lakuriq” për pazarin me Ramën

16 Janar 2024, 20:19, Politikë CNA
Dash Sula: Basha, mashtruesi i paskrupull që doli “lakuriq”
Deputeti Dash Sula

Deputeti Dash Sula ka komentuar veprimet e fundit të Lulzim Bashës, i cili mashtroi me ndërmjetësimin e ndërkombëtarëve për t’u ulur në tryezë me Damian Gjiknurin e PS-së në lidhje me Reformën Zgjedhore.

Me anë të një statusi në rrjetet sociale, Sula thotë se sot u shua çdo dyshim edhe për më skeptikun se Basha dhe kryeministri Edi Rama tashmë janë një.

Ai deklaron se përgënjeshtrimet e Ambasadës së SHBA-ve, BE-së dhe OSBE-së e nxorën Bashën një mashtrues të paskrupull që merr guximin të gënjejë publikisht.

“Reforma Zgjedhore është bllokuar prej 1 viti nga pazari Basha-Rama.

Sot u shua çdo dyshim edhe për më skeptikun se që nuk mendon se Basha-Rama tashmë janë një.

Falenderoj Ambasadën e Shteteve të Bashkuara të Amerikës, Ambasadën Bashkimit Evropian dhe OSBE që me qëndrimin e tyre parimorë dhe në anën e të vërtetës zbuluan “lakuriq”, pazarin e dy personave që nuk duan zgjedhjet e lira, të barabarta dhe të ndershme por duan të mbajnë peng një popull për interesat e veta meskine ekonomike.

Reagimet e Ambasadës së SHBA, BE dhe OSBE e nxorën siç është; një mashtrues të paskrupull të vetshpallurin “kryetar” i cili merr guximin dhe gënjen publikun duke përdorur ambasadorët e nderuar të partnerëve strategjik.

Më poshtë gjeni reagimet e plota:

SHBA: “Si pjesë e angazhimit tonë normal diplomatik me anëtarë të parlamentit, Ambasada e SHBA takohet rregullisht me kryetarë, bashkëkryetarë dhe anëtarë të komisioneve të ndryshme parlamentare, përfshi Komisionin për Reformën Zgjedhore. Takimet nuk janë pjesë e ndonjë ndërmjetësimi. Interesi ynë mbetet për qeverisje të efektshme dhe përfaqësuese për të zbatuar rekomandimet e ODIHR-it dhe mirëpresim idetë e të gjitha partive të përgjegjshme për këtë qëllim.”

BE: Në përgjigje të raportimeve që qarkullojnë në media, dëshirojmë të sqarojmë se ndërkohë që BE-ja nuk është e përfshirë në asnjë ndërmjetësim, qëndrimi ynë mbetet i njëjtë: vazhdojmë të theksojmë nevojën për të ndjekur rekomandimet e OSBE/ODIHR. Siç e kemi thënë edhe më parë, përfshirë edhe Raportin e vitit 2023 për Shqipërinë, reforma zgjedhore kërkon dialog politik konstruktiv dhe gjithëpërfshirës të të gjitha palëve.”, shkruan Sula./ CNA





Lajmet e fundit nga