web counter
LEXO PA REKLAMA!

SHKARKO APP

App Store
Google Play

E fundit!

x

Berisha paralelizon Skënderbeun me protestuesit/ Ai luftoi pushtimin e huaj, ju të brendshmin

17 Janar 2024, 20:36, Politikë CNA

Berisha paralelizon Skënderbeun me protestuesit/ Ai luftoi pushtimin e

Qytetarët u mblodhën sërish këtë të mërkurë poshtë banesës së Sali Berisha për të protestuar kundër masës së sigurisë vënë ndaj ish kryeministrit.

Berisha gjatë fjalës së mbajtur në dritaren e banesës së tij përkujtoi Skënderbeun në ditën e vdekjes së tij, 556 vite më parë.Berisha tha se, Skënderbeu luftoi një pushtim të huaj, ndërsa qytetarët të cilët janë ngritur në protestë po luftojnë një pushtim të brendshëm barbar.

“Sot, shqiptarët kudo që janë, nderojnë me adhurimin më të madh, prijësin e tyre të të përjetshëm, Skënderbeun në lindjes së përjetësisë së tij. Miqtë e mi, Skënderbeu i doli zot Shqipërisë dhe kombit në një kohë kur rajoni dhe Europa dridhej para fuqisë së perandorisë otomane.

Ky shqiptar, ky atdhetar, ky princ i lirisë, besoi tek shqiptarët, besoi tek trimëria dhe guximi i tyre, besoi te forca dhe fuqia e armëve të tyre dhe bëri beteja për 25 vite me radhe, të cilat bënë historinë e kohës, jehuan në të katër anët e planetit dhe Skënderbeu mori përjetësinë.

Natyrisht ajo kohë ishte kohë perandorish, ishte kohë shekuj më parë, por Skënderbeu mbetet për çdo shqiptar, frymëzimi i tij. Skënderbeu mbetet engjëlli që ruan Shqipërinë dhe shqiptarët në çdo kohë.

Skënderbeu i vetëm, por u ngrit dhe mundi një perandori. Forca e vërtetë e tij qëndronte në të vërtetat që mbronte. Në idealet për të cilat ai luftonte dhe luftoi. Ndaj dhe për ne, ai është dhe mbetet frymëzuesi i çdo shqiptari, që beson të vërtetën, që është i vendosur të sakrifikojë për të. Ju jeni të pathyeshëm sepse po mbroni të vërtetat e mëdha të kombit.

Skënderbeu luftoi një pushtim të huaj, kurse ju po luftoni një pushtim të brendshëm më barbar se sa çdo pushtim tjetër që kanë njohur shqiptarët. Po luftoni një pushtim të brendshëm si pushteti i një kryehajduti që në 8 vite varfëroi, mjeroi duke vjedhur shqiptarët në mënyrë të pamëshirë dhe duke u pasuruar vetë me miliarda, me qeveritarët e tij, me suitën e tij”, deklaroi ai.

Berisha i bëri thirrje çdo shqiptari për t’u ngritur dhe për të shpëtuar sic tha ai shoqërinë shqiptare nga kthetrat e krimit që ka kapluar vendin./ CNA





Lajmet e fundit nga