web counter
LEXO PA REKLAMA!

SHKARKO APP

App Store
Google Play

E fundit!

x

Bardhi "dhëmbë për dhëmbë" Lulit: I paburrë që nga shtëpia shton kullat

17 Janar 2024, 12:39, Politikë CNA

Bardhi "dhëmbë për dhëmbë" Lulit: I

Kreu i Grupit Parlamentar të PD-së, Gazment Bardhi, i është përgjigjur "dhëmbë për dhëmbë" Lulzim Bashës për tensionet e fundit të krijuara në Komisionin e Medias. 

Bardhi nuk ngurron ta quajë të paburrë Lulin, që sipas tij rri në shtëpi dhe kujdeset që të shtojë katet me kulla. Ai thekson se Flutura Açka është një zonjë që vazhdon të besojë në gënjeshtrat e Lulit. 

"Absolutisht i keqardhur nga debati me kolegë të opozitës! Por, është fakt i njohur që opozita është në një betejë kundër mazhorancës në Kuvend, dhe çdo opozitar duhet të jetë krah nesh në këtë betejë, dhe jo përballë njëlloj si Edi Rama. Tentativa për të provokuar me 'normalitet të rremë' i kolegëve të opozitës, nuk mund të jetë kurrë strategjia e një opozitari. Ajo është vetëm strategjia e një të paburri, që vetë rri në shtëpi e kujdeset të shtojë katet në kulla, ndërkohë që keqpërdor për fasadë të pazareve në kurriz të demokratëve, ndershmërinë e disa zonjave deputete, që vazhdojnë të besojnë gënjeshtrat e tij!", shprehet Bardhi.

Pak më parë erdhi edhe reagimi nga Basha, i cili ish-bashkëpunëtorët e vjetër, Gazment Bardhin dhe Flamur Nokën, nuk hezitoi t'i quante burrecë të vegjël që mendojnë se duke sulmuar zonjat me dhunë verbale, tregojnë forcë. 

Ditën e sotme, në mbledhjen e Komisionit të Medias, Bardhi dhe Noka u përplasën me Flutura Açkën, pasi kjo e fundit tentoi të mos i lejonte që të krijonin kaos./CNA 

 





Lajmet e fundit nga