web counter
LEXO PA REKLAMA!

SHKARKO APP

App Store
Google Play

E fundit!

x

Nikolla merr në mbrojtje Açkën e Bashës/ “Bardhi dhe Noka kaluan caqet e dhunës”

17 Janar 2024, 15:16, Politikë CNA

Nikolla merr në mbrojtje Açkën e Bashës/ “Bardhi dhe

Pas përplasjeve në mbledhjen e sotme të Komisionit të Medias të Gazment Bardhit dhe Flamur Nokës me kryetaren e komisionit, Flutura Açkën, ka ardhur një reagim nga kryetarja e Kuvendit, Lindita Nikolla.

Kjo e fundit merr në mbrojtje deputeten e Lulzim Bashës, teksa e cilëson si një sulm të paprecedentë sjelljen e deputetëve Noka dhe Bardhi.

Nikolla deklaron se akti i tyre është më tepër se shkelje e Rregullores dhe etikës dhe sipas saj i kaloi caqet e dhunës.

“Dënoj ashpërsisht ngjarjen shumë të rëndë që ndodhi sot në Komisionin e Medias të Kuvendit të Shqipërisë. Deputetët Gazment Bardhi dhe Flamur Noka, jo vetëm penguan me dhunë zhvillimin e mbledhjes së Komisionit, por fyen rëndë Kryetaren e Komisionit, deputeten e nderuar Flutura Açka.

Ky sulm i paprecendent ndaj një zonje deputete të Kuvendit të Shqipërisë, është shumë më tepër se shkelje e Rregullores së Kuvendit dhe e etikës së sjelljes së deputetit. 

Në një kohë kur Kuvendi është duke punuar për ashpërsimin e legjislacionit kundër dhunës ndaj grave, në mjediset e tij, në një sallë mbledhjesh ku duhet të zhvillohet debat për ligjet dhe prej nga duhet të rrezatohet edukatë dhe qytetari, në sy të kolegëve, medias dhe gjithë qytetarëve, dy deputetë ushtrojnë dhunë ndaj një kolegeje të tyre, deputete dhe Kryetare Komisioni.

Dhuna e ushtruar prej deputetëve Bardhi dhe Noka i kaloi caqet e dhunës verbale, dhe për këtë flasin pamjet e transmetuara nga media”, thekson Nikolla.

Kujtojmë se deputetët e opozitës mësynë në sallën ku po mbahej mbledhja e Komisionit të Medias dhe vendosën zhurmues. Açka bëri rezistencë, ndërsa Noka i shkuli mikrofonin që ta ndërpriste të fliste./ CNA





Lajmet e fundit nga