web counter
LEXO PA REKLAMA!

SHKARKO APP

App Store
Google Play

Eduard Shalsi, "idioti i dobishëm" i Rilindjes

20 Janar 2024, 12:20, Politikë CNA
Eduard Shalsi, "idioti i dobishëm" i Rilindjes
Eduard Shalsi

Dje në ekranin e ortakëve të inceneratorëve, Top Channel, media ku sulmohen prokurorët e SPAK dhe akuzohet drejtësia, në televizionin që është kthyer në këmborën e Rilindjes dhe 99-çave, u rishfaq pas më shumë se 11 vitesh me një mesazh Eduard Shalsi. 

Eduard Shalsi, "idioti i dobishëm" i Rilindjes
Edi Rama dhe Edurad Shalsi

11 vite më parë, çfarë ka thënë mund ta shikoni në këtë video, ku na tregoi qartazi strategjinë e Rilindjes, atë çfarë do ndodhte kur të vinte ajo në pushtet dhe pikërisht ka ndodhur ajo që ka thënë Shalsi në studion e emisonit të "Top Story" të Sokol Ballës. 

Ndërsa dje na u shfaq në Top Channel sërish si "idiot i dobishëm" i Rilindjes. Ndoshta me mandollën e tij mendon se duke këmbyer tendën në tela, do të këmbejë mendjet e shqiptarëve dhe do të gënjejë duke përdorur një ekran që shërben si lavatriçe për trurin e shqiptarëve, paguar nga taksat e tyre dhe nga korrupsioni i pushtetit. 

Shalsi doli dje në ekran edhe pranoi publikisht se socialistët kishin krijuar një grup pune brenda grupit të tyre parlamentar, i cili do të çonte Kuvendin në një stad tjetër, do të përgatiste një komision, ku parlamenti do të kontrollonte qeverinë. 

Ndërkohë vetëm pak ditë më parë presidenti dekretoi heqjen e Komisioneve Hetimore parlamentare, me iniciativë të Partisë Socialiste, miratuar në parlament në fund të vitit të kaluar, një veprim i cili i ndaloi opozitës të kontrollonte qeverinë. 

Pra instrumetin e vetëm që opozita kishte për të kontrolluar pushtetin, ishin Komisionet Hetimore parlamentare dhe pasi këto u hoqën, sipas Shalsit tani do të krijohet një komision "Ad hoc", i cili do të kontrollojë institucionet e pavarura dhe qeverinë. 

Në fakt dardha e ka bishtin mbrapa. 

Qëllimi i ngritjes së grupit të punës me në krye Shalsin, ku bëjnë pjesë edhe Blendi Çuçi, kryetari i Grupit Parlamentar të PS-së, Lindita Nikolla, si kryetare e Kuvendi, Etilda Gjonaj dhe Klotilda Bushka, si kryetare e Komisionit të Ligjeve, ka vetëm dhe thjesht një qëllim, të hapë rrugën krijmit të një komisoni "Ad hoc", i cili thjesht dhe vetëm, nën petkun gjoja të integrimit dhe kontrollit të institucioneve të pavarura, instrumente në fakt që Kushtetuta i ka mjaft të qarta dhe parlamenti i ka të mirëpërcaktuara me ligj dhe rregullore, do të kërkojnë një masë ekstra ligjore për të thirur në apel SPAK dhe Altin Dumanin.

Misionin e fillon "idioti i dobishëm", Eduard Shalsi, i cili sa herë duhet dhe nuk ka turp del dhe flet budallallëqe, mendon se mund të gënjejë njerëzit, mendon se mund të gënjejë mediat, opinionbërësit, qytetarët e thjeshtë me ato që artikulon, por edhe me gomarllëkun e të nxjerrit gjoksin përballë SPAK, përballë Reformës në Drejtësi, përballë ndërkombëtarëve, me pretendimin se ai do të përgatisë çudinë e radhës, që në fakt është lufta e pushtetit kundër drejtësisë.

Është lufta e atyre që tumbetuan se kishin bërë një reformë në drejtësi spektakolare dhe ishin ata që e bënë, por tashmë ata duan ta kontrollojnë. 

Në pamundësi për ta kontrolluar kanë gjetur intrument të tillë si grupet e punës të drejtuara nga Shalsi, pas të cilave në fakt fshihet maxhoranca, fshihet kryeministri, fshihet Erion Veliaj për të bërë gati komisionin "Ad hoc" të drejtuar Fatmir Xhafaj për të luftuar SPAK-un dhe institucionet e Reformës në Drejtësi./CNA

Eduard Shalsi, "idioti i dobishëm" i Rilindjes
Fatmir Xhafaj dhe Enver Hoxha

 





Lajmet e fundit nga