web counter
LEXO PA REKLAMA!

SHKARKO APP

App Store
Google Play

E fundit!

x

Tabaku për lajmet ekskluzive të CNA: Komisioni i PS-së, shkel pavarësinë e SPAK

20 Janar 2024, 10:46, Politikë CNA
Tabaku për lajmet ekskluzive të CNA: Komisioni i PS-së, shkel
Jorida Tabaku

Deputetja demokrate Jorida Tabaku ka reaguar së fundmi pas publikimit të lajmeve ekskluzive nga CNA, ku është raportuar se Edi Rama po përdor mazhorancën parlamentare për të krijuar një komision “Ad hoc”, që do të drejtohet nga Fatmir Xhafaj.

Ashtu edhe siç CNA ka mësuar ky komision i cili do të thërrasë në Apel, SPAK-un, pra do të jetë një kontrollues për të. 

Në komisionin “Ad-Hoc” do të jenë anëtarë Plarent Ndreca, Ermonela Felaj, Klotilda Bushka dhe Toni Gogu dhe siç raportoi CNA të gjitha këto janë lëvizje për të marrë kontrolluar SPAK-un me mekanizma.

Deputetja demokrate në një postim në rrjetet sociale, është pro SPAK dhe thekson se krijimi i një komisoni për të kontrolluar institucionin e pavarur, "shkel rolin e kuvendit, shkel ligjin por shkel dhe pariminin e pavarësisë së këtyre institucioneve". 

"Ky mekanizëm i propozuar shkel rolin e kuvendit, shkel ligjin por shkel dhe pariminin e pavarësisë së këtyre institucioneve. Parim për të cilin ne ndërmorëm një reformë të madhe që ndryshoi totalisht gjithë sistemin. Tanimë, është e kuptueshme për çdokënd që pushteti i madh ka prodhuar një korrupsion të madh mbi të cilin ngrihet edhe realiteti i një mazhorance jo aq natyrale. Për këdo që sheh me gjakftohtësi hetimet për korrupsion ndaj mbi 50% të PPP-ve, hetime të hollësishme financiare karshi pushtetarëve e kupton alarmin e një mazhorance që ka si synim të kontrollojë nesër SPAK. Shumëkush e ka kuptuar këtë përpjekje qysh kur dëgjoi deklaratat se Shqipërisë nuk i duhej një Republikë e Gjyqësorit dhe Prokurorëve. E megjithatë e gjitha kjo që po qarkullon mban era korrupsion, korrupsion pushteti. E megjithatë ajo që sot po përflitet gjithnjë e më qartë mban era anti-kushtetuteshmëri dhe anti-demokraci pasi asnjë parlament nuk mund të thërrasë institucionet e pavarura t’i raportojnë një partie politike! Të asaj partie që ëndërron si të kapë SPAK-un dhe më pas zgjohet dhe na rrëfen me mburrje si gjeli majë plehut të inceneratorëve se si e njëjta parti ka flamurin e Reformës në Drejtësi", shprehet ndër të tjera Tabaku.

Ndër të tjera deputetja demokratike thekson se qeveria Rama është e frikësuar nga hetimet e SPAK.

"Përtej frikës, trembjes dhe zhgjëndrrave me SPAK që shohin të gjithëpushtetshmit arrogantë, Shqipëria nuk ua ka këtë borxh. Aq më tepër kur presim nga dita në ditë hapjen e negociatave për dy kapituj, kur Kuvendi pret të nisë rolin e tij në këtë proces. Shqiptarët nuk kanë luksin që të bëjnë “mbrapa kthehu” për hatrin e Partisë që ashtu ka një hall me Drejtësinë e Re dhe të pavarur. Askush ska ndërmend të kthehet pas tek partia shtet e shteti parti edhe drejtësi! E këmbëngulja që të ndodhë e tregon qartë se kush ka hallin me SPAK. Shqipëria duhet të ndahet nga kjo rrugë një herë e përgjithmonë", shkruan ajo. 

Një ditë më parë në një konferencë për mediat reagoi edhe Lulzim Basha për për skemën e Partisë Socialiste që ka denoncuar CNA për të kontrolluar SPAK-un.

Lul Basha u shpreh se kjo skemë e Ramës për të kontrolluar e goditur SPAK dhe Reformën në Drejtësi është përdorur edhe në Rumani. Ai deklaroi se do të jetë 100 % kundër kësaj nisme, duke theksuar se SPAK po godet korrupsionin./CNA 

 





Lajmet e fundit nga