web counter
LEXO PA REKLAMA!

SHKARKO APP

App Store
Google Play

Shënim/ A do ta firmosë Agaçi manualin anti-SPAK?

21 Janar 2024, 16:06, Politikë CNA
Shënim/ A do ta firmosë Agaçi manualin anti-SPAK?
Fotomontazh - Engjëll Agaçi, SPAK në sfond

Në mbledhjen e së mërkurës të qeverisë shqiptare, kryeministri Edi Rama i ka kërkuar sekretarit të përgjithshëm, Engjëll Agaçit, që të përgatisë një manual për ministritë ashtu sikundër ai kishte theksuar një ditë më parë, të martën, në takimin me drejtorët e agjencive dhe sekretarët e përgjithshëm të ministrive.

Një detyrë që iu ngarkua Engjëll Agaçit për t’i kërkuar që ai të ndërtojë atë që po e quajmë një manual anti-SPAK për institucionet.

Pra, si duhet të sillen institucionet në momentin kur SPAK-u u shkon te dera.

Pretendohet se duhet të ketë një tjetër sjellje nga institucioni hetimor ndaj institucioneve qeveritare shqiptare.

Qeveria pretendon se bastisjet, marrjet e dokumenteve, e të tjera si këto duhen bërë me njoftime të mëparshme, me shkresa zyrtare, kur në fakt ka rezultuar se në rastet kur kanë bërë disa dhjetëra shkresa zyrtare, informacionet e dhëna ndaj SPAK-ut kanë qenë të pamjaftueshme, por edhe informacione që janë fshehur.

Shënim/ A do ta firmosë Agaçi manualin anti-SPAK?
SPAK

Tashmë pritet të firmoset manuali.

Engjëll Agaçi është një person që është thirrur në SPAK për çështjen e inceneratorëve dhe ka dhënë sqarimet e tij. Është një jurist me jo pak eksperiencë.

Pyetja që lind është:

A do të arrijë dot Engjëll Agaçi ta firmosi manualin anti-SPAK? Cila do të jetë zgjidhja që do të gjejë?

Do jetë një zgjidhje si ajo e inceneratorëve që brenda ditës dolën 14 miratime me shpejtësi skëterrë apo si këto kontratat koncesionare, PPP-të e famshme që fillojnë sa në Shëndetësi, Ekonomi, etj.?

Ndaj është për t’u parë dhe ka mjaft kuriozitet a do ta firmosë Agaçi dhe çfarë do të përmbajë ky manual i kërkuar nga kryeministri, i cili mund të quhet manuali anti-SPAK i qeverisë shqiptare./ CNA





Lajmet e fundit nga