web counter
LEXO PA REKLAMA!

SHKARKO APP

App Store
Google Play

Shënim për Elisën/ SPAK-u nuk është incenerator dhe matës uji

20 Janar 2024, 18:42, Editorial REDAKSIONALE
Shënim për Elisën/ SPAK-u nuk është incenerator dhe
Elisa Spiropali, foto ilustruese

Elisa Spiropali ka bërë një reagim të saj, pas disa lajmeve të publikuara 3-4 ditë rresht nga CNA në lidhje me një grup pune krijuar brenda Grupit Parlametar të PS-së drejtuar nga Eduard Shalsi për t’i hapur rrugën një komisioni “Ad Hoc” në parlament, i cili do të thërrasë në apel institucionet e pavarura.(Lexo këtu)

Kjo, një formë e gjetur nga maxhoranca për të kontrolluar SPAK-un, një nga institucionet që deri tani mund të quhet më rezultative të Reformës në Drejtësi, pasi ka çuar pas hekurave dhjetëra zyrtarë dhe bashkëpunëtorë të ngushtë të kryeministrit, por, ka çuar edhe ish-kryeministrin në arrest shtëpie, qofshin këto të drejta apo të padrejta politikisht. 

Elisa thekson në qëndrimin e saj se SPAK-u është produkt i Reformës në Drejtësi të bërë nga Edi Rama dhe Partia Socialiste. MBAHU ELISA.

Në fakt, Reforma në Drejtësi është një produkt i ndërkombëtarëve me shumë pikëpyetje dhe problematika, por SPAK ka qenë më rezultativi dhe rezultatet kryesisht i ka me bashkëpuëntorë dhe ministra të Edi Ramës. Teza e Elisës është që Edi Rama e ndërtoi për të arrestuar bashkëpunëtorët e tij të ngushtë dhe ish-ministrat, apo drejtorët, apo kontribuesit kryesorë të Partisë Socialiste?! Vetëm Elisa mund ta thotë këtë. 

Shënim për Elisën/ SPAK-u nuk është incenerator dhe

Ndoshta "Mamica e Skënderbeut" e shikon ndryshe politikën, por përpara se të bëjë avokatinë e Edi Ramës dhe të akuzojë se këto janë shpikje të opozitës, duhet të distancohet ajo dhe mbështetësit e saj, të cilët po krijojnë skenarë kundër SPAK-ut. 

I ka dalë në krah dhe Syri i Opizitës që thotë se lajmet e CNA janë shpikje e Ramës. Tani gjejeni kush dhe si se ska kuptim. Ndaje Elisa me Syrin se Shalsin se korrigjon dot.

Shënim për Elisën/ SPAK-u nuk është incenerator dhe

"Luftën kundër SPAK" atë nën rogoz nuk e themi vetëm ne si CNA, këtë e thonë ndërkombëtarët, e kanë thënë me qëndrimet e tyre publike dy ditë më parë ambasada gjermane dhe 27 ambasadorët e Bashkimit Europian, të cilët kishin thirrur në takim Altin Dumanin. 

E në rast se Elisa nuk e ka kuptuar akoma, le ta lexojmë qëndrimin e saj, si një kthesë në rrugën e rilindjes në pushtet, si një kthesë të maxhorancës për të shmangur sulmin e 99-çave dhe vullnetarëve të Enverit kundër SPAK. (Lexo këtu) Ndoshta dhe "dashuri" për Berishën dhe mediat e tij. 

Elisa duhet ta kuptojë se SPAK nuk është si ata inceneratorët që nuk punojnë, apo që nuk kanë përfunduar në Fier, apo ai i Tiranës që nuk ekziston apo i Elbasanit që kërkon miliona euro të mbahet ndezur. Këtë Elisa duhet ta dijë mirë. (Lexo këtu)

Nuk ka lidhje fare me matësat e ujit të sjella nga Mirel Mërtiri dhe apo Klodian Zoto në kompanitë e tyre në Fier, tek Ujësjellësi, ku dhe Klodian Zoto ka qenë këshilltar. Këto janë diferencat që Elisa duhet t’i kuptojë. (Lexo ketu). 

Të shpresojmë që reagimin e saj e ka të sinqertë. Që do të bëjë një hap pas dhe nuk do të lejojë Elisa si "zëdhënëse" e kryeministrit që të ndodhë, bëma apo gjëma që Rilindja të lejojë 99-çat dhe vullnetarët e Enverit t'i vërsulen SPAK-ut. 

Edhe po doli e kundërta se mos u turpërua Elisa.

Ndoshta timoni mund të marrë një tjetër kthesë, por Elisa nuk e mohon dot as fjalën e Lindita Nikollës në Shëngjin, as statusin e Bledi Çuçit dhe fjalin e tij në grupin parlamentar të hënën, As Shlasin dje dhe konfirmimet që vazhdojnë sot, as qëndrimin e kryeministrit me drejtorët e agjencive, as deklarimet e tij në mbledhjen e qeverisë ditën e mërkurë ku i ka drejtuar gishtin Engjëll Agaçit dhe i ka këkuar që të përgatitë manualin për institucionet. (Lexo këtu). 

Manual që nuk e dimë do arrijë ta firmosë dot, a do ketë kohën e mjaftueshme për përgatitur dhe firmosur Agaçi i famshëm i inceneratorëve.

Çuditësisht Elisat, Agaçët, 99-çat, njerëzit e inceneratorëve, bashkohen sa herë thuhet një e vërtetë dhe sa herë janë të kapur mat në veprimet e tyre, siç tentuan të bënin fillimisht me mbylljen e dosjes së inceneratorit të Tiranës, me prokurorin në SPAK, bashkëpunëtor rilindas, apo siç tentuam ta mbyllim me një tjetë prokuror atje brenda rastin e Ilir Beqajt, apo siç po duan të shpëtojnë Olta Xhaçkën e kështu me radhë. 

Shënim për Elisën/ SPAK-u nuk është incenerator dhe

Prandaj Elisa e inceneratorëve, “Mamica e Skënderbeut tonë” mirë është shkojë të sqarojë njëherë SPAK-un për hallet e saj në lidhje me inceneratorët se këto gjoja mbrojtje nuk i bëjnë derman.

Të japë një sqarim publik sesi janë përfshirë familjarët e saj me njerëzit e inceneratorëve, të kërkojë në SPAK që ta hetojë deri në fund çështjen e inceneratorëve dhe pikërisht edhe njerëzit rreth Elisës, pastaj të na flasë dhe të na tregojë se ku është e vërteta, si qëndron ajo dhe çfarë ka ndodhur me Rilindjen e saj që po bën gati 99-çat dhe vullnetarët e Enverit kundër SPAK-ut./ CNA

 





Lajmet e fundit nga