web counter
LEXO PA REKLAMA!

SHKARKO APP

E fundit!

x

Demokratët nuk dorëzohen/ 21 ditë rresht protestë poshtë banesës së Berishës

21 Janar 2024, 13:42, Politikë CNA
Demokratët nuk dorëzohen/ 21 ditë rresht protestë
Protesta poshtë banesës së Berishës

Demokratët duken të vendosur në mbështetje të kryetarit të Partisë Demokratike, Sali Berisha, pas vendosjes së masës së sigurisë "arrest shtëpie" nga GJKKO. 

Që prej 31 dhjetorit qindra demokratë janë çdo pasdite pjesë e protestës që zhvillohet poshtë banesës së ish-kryeministrit. 

Edhe sot, pikërisht më 21 janar, protestuesit do të mblidhen në atë që quhet "Rruga e Salës" në kryeqytet dhe do të presin mbështetje për kryedemokratin, ku nuk do të mungojnë edhe akuzat ndaj organeve të drejtësisë.

Këto protesta nisën një ditë pasi GJKKO dha masën e sigurisë ndaj Berishës dhe pritet të shënohet dita e 22-të e protesës. 

Pjesë e kësaj proteste janë edhe të rinjtë e FRPD-së. 

Vendimi për Berishën: 

Në vendimin e GJKKO-së, i cili mban firmën e gjyqtares Irena Gjoka, theksohet se ndaj Berishës është vendosur masa e sigurisë "arrest shtëpie" për akuzën "Korrupsioni pasiv i funksionarëve të lartë shtetërorë ose të zgjedhurve vendorë". 

Sipas vendimit, Berisha nuk duhet të largohet nga banesa dhe të mos komunikojë me persona të tjerë përveç atyre që bashkëjetojnë në të njëjtën shtëpi me të./CNA 





Lajmet e fundit nga