web counter
LEXO PA REKLAMA!

SHKARKO APP

App Store
Google Play

E fundit!

x

Pse po fshihet Fatmir Xhafaj?

21 Janar 2024, 13:25, Politikë CNA
Pse po fshihet Fatmir Xhafaj?
Fatmir Xhafaj

Fatmir Xhafaj, ish-ministër i Brendshëm, i cili dha dorëheqjen pas plasjes së skandalit “Babale”, ku vëllai i tij rezultonte i dënuar në Itali, i cili strehohej në Vlorë në emër të ndryshuar, tashmë është rikthyer në skemën politike.

Njeriu që udhëhoqi Reformën në Drejtësi, tanimë pritet të marrë drejtimin e një komisioni “Ad Hoc”, i cili do të jetë një “furtunë” ndaj institucioneve të pavarura dhe kryesisht SPAK-ut.

Xhafaj disa muaj më parë u përfol se do të merrte një vend zv/kryeministri apo Ministrinë e Drejtësisë, një thashethem ky që qarkulloi në korridoret e Bashkisë së Tiranës në tregun politik dhe mediatik.

Pse po fshihet Fatmir Xhafaj?
Erion Veliaj dhe Fatmir Xhafaj

Një divergjencë që bëhej ndaj SPAK-ut, si një presion se do të ndodhte çudia ndaj këtij institucioni me kthimin e Fatmir Xhafajt, pasi SPAK po hetonte Bashkinë e Tiranës dhe priteshin të jepeshin disa urdhër-arreste, ku më pas ndodhi që u arrestuan disa nga zyrtarët e Bashkisë Tiranë dhe pritet të ketë të tjera arrestime në ditët në vijim.

Por, skema ndryshoi, e para nuk rezultoi dhe tashmë ka filluar një skenar tjetër.

Fatmir Xhafaj do të drejtojë një komision “Ad Hoc” në parlament. Komisionit po i hapet rruga nga një grup pune i ngritur nga Partia Socialiste që drejtohet nga Eduard Shalsi.

Vetë Xhafaj, i njohur si një ish-enverist, i mbështetur nga 99-çat e Bashkisë Tiranë që kanë kapur një pjesë të Grupit Parlamentar të PS-së do të sulmojnë SPAK-un duke kërkuar mekanizma siç ka thënë Bledi Çuçi, apo instrumente siç ka thënë Lindita Nikolla, për të kontrolluar këtë institucion dhe ashtu siç ka deklaruar edhe kryeministri për t’i penguar dhe frenuar në punën e tyre që bëjnë pasi nuk mund të shkojnë në institucione, të rrëmbejnë dokumente, të hetojnë, pasi tejkalojnë kompetencat e tyre ligjore.

Në fakt, Fatmir Xhafaj deri tani nuk ka folur, ka ndenjur në hije, ka reaguar vetëm Eduard Shalsi, i cili kuptohet është “idioti i dobishëm" në Partinë Socialiste. Elisa Spiropali, “Mamica e Skënderbeut”, e cila nuk i prish punë askujt dhe se thotë një budallallëk më shumë, nuk ia vë më re njeri, e përdorin si top të shfryrë kur zbulohet e vërteta deri në fund.

Enigmë ka ngelur veprimi dhe qëndrimi i Fatmir Xhafajt, ky i fundit vazhdon të qëndrojë në heshtje, por burime nga Partia Socialiste thotë se Xhafaj ka pasur disa takime me kryeministrin Rama dhe ka pranuar rolin e kryetarit të komisionit “Ad Hoc”.

Pse po fshihet Fatmir Xhafaj?
Fatmir Xhafaj dhe Erion Veliaj

Nga ana tjetër ky komision është nxitur dhe frymëzuar shumë nga kryebashkiaku Erion Veliaj, pasi siç theksuam më sipër, pas hetimeve të forta që SPAK-u ka bërë në Bashkinë e Tiranës dhe në shumë institucione të tjera.

Fatmir Xhafaj si një usta i vjetër i ish-diktaturës po qëndron në heshtje deri në pritjen e konfirmimit të plotë të ngritjes së komisionit “Ad Hoc”, pasi reagimi i fortë i ndërkombëtarëve, i ambasadës së SHBA, apo edhe ambasadorëve të 27 vendeve të Bashkimit Evropian ka bërë që të ketë një tërheqje nga ana e mazhorancës.

Pse po fshihet Fatmir Xhafaj?
Fatmir Xhafaj dhe Enver Hoxha

Shumica parlamentare nëpërmjet një komisioni “Ad Hoc”, duke përdorur Fatmir Xhafajn, po tenton të kontrollojë SPAK-un, ndërkombëtarët janë në alarm dhe mund të ketë edhe një tërheqje të momentit të fundit, siç ka ndodhur shpesh me kryeministrin Rama, siç ka qenë rasti i amnistisë, pasaportës së artë e të tjera.

Xhafaj po fshihet dhe argumenti më i rëndësishëm është fakti i qëndrimit të ashpër që po mbajnë ndërkombëtarët ndaj qeverisë dhe mazhorancës në pushtet në lidhje me këtë komision “Ad Hoc”. 

Pse po fshihet Fatmir Xhafaj?
Fatmir Xhafaj dhe Erion Veliaj

Kjo edhe pas deklarimeve të fundit kur Shalsi dhe Spiropali thanë se ky komision do të kontrollojë qeverinë dhe institucionet e pavarura, ku në fakt ishte vetë kjo shumicë parlamentare dhe qeveria që hodhi komisionet hetimore parlamentare, të cilat themelin e tyre dhe thelbin kishin kontrollin e punës së qeverisë dhe institucioneve të pavarura.

Pse po fshihet Fatmir Xhafaj?
Erion Veliaj, Eduard Shalsi, Edi Rama dhe Fatmir Xhafaj

Në këtë rast duke qartazi se mazhoranca socialiste po përdor një hile për të goditur SPAK-un dhe reagimi i ndërkombëtarëve për këtë komision “Ad Hoc” ka bërë që edhe Xhafaj të heshtë dhe të fshihet duke mos reaguar, duke mos mbajtur qëndrim, por duke pritur zëra të ndryshëm, të Rilindjes dhe 99-çat të flasin për këtë çështje deri në momentin e fundit sa të jepet edhe verdikti final, do të shkohet më apo ndërkombëtarët do ta ndalin këtë çmenduri të Rilindësve./CNA

 





Lajmet e fundit nga