web counter
LEXO PA REKLAMA!

SHKARKO APP

App Store
Google Play

E fundit!

x

Berisha mbërrin në SPAK, tregon se çfarë do të dëshmojë para prokurorëve

23 Janar 2024, 10:03, Politikë CNA
Berisha mbërrin në SPAK, tregon se çfarë do të
Sali Berisha,

Ish-kryeministri Sali Berisha ka mbërritur në SPAK, ku do të dëshmojë për herë të parë për akuzat për privatizimin e ish-kompleksit "Partizani". Ai shoqërohet nga avokati i tij, Genc Gjokutaj. 

Para SPAK-ut ai është pritur me brohorima nga mbështetësit e tij, të cilët së bashku me një grup demokratësh, ndodhen sot para Prokurorisë së Posaçme. 

Berisha u shpreh për gazetarët se sot ndodhet në SPAK për të denoncuar Edi Ramën.

"Beteja me botën e krimit vazhdon. Opozita do të fitojë. Jam sot këtu për t'ju përfaqësuar ju, përfaqësuar shqiptarët, përfaqësuar pluralizmin, Partinë Demokratike! Jam këtu për të denoncuar Edi Ramën dhe grupin e organizuar kriminal në këtë ndërtesë, që angazhohet në betejën kundër pluralizmit. Ne do fitojmë, fitore, fitore, fitore!", u shpreh Berisha. 

Berisha ndodhet në arrest shtëpie. SPAK e akuzon ish-kryeministrin për “Korrupsion pasiv të funksionarëve të lartë shtetërorë ose të zgjedhurve vendorë”, kryer në bashkëpunim me dhëndrin e tij, Jamarbër Malltezin.

SPAK pretendon se Berisha, në cilësinë e tij si Kryeministër, ka favorizuar procedurat e privatizimit të ish-kompleksit “Partizani” dhe përfitues i drejtpërdrejtë ka qenë Malltezi./CNA

 

 





Lajmet e fundit nga