E fundit!

09:44 Politikë

Vrasja e efektivit në Maliq/ Rama: Nderime përjetë dëshmorit, ndëshkim maksimal për autorin

Kryeministri Edi Rama ka reaguar pak minuta më parë lidhur...

Varhelyi jep lajmin e mirë: Mund të bëheni më shpejt pjesë e BE-së

29 Shkurt 2024, 12:45, Politikë CNA

Varhelyi jep lajmin e mirë: Mund të bëheni më shpejt

Komisioneri për Zgjerimin e BE-së, Oliver Varhelyi, dha detaje nga plani i rritjes ekonomike gjatë Samitit BE-Ballkani Perëndimor.

Gjatë konferencës me kryeministrin Edi Rama ai u shpreh se Evropa është shumë burokratike, por mendoj se këtë herë ne kemi mundësi që të tregojmë përfitimet e drejtpërdrejta ekonomike të një vendi.Ai nënvizoi se vendet e Ballkanit Perëndimor mund të bëhen gati më shpejt për t’u bërë pjesë e BE-së.

“Dua të ndaj një sekret. Ideja e planit të rritjes ka qenë kryesisht e konceptuar në Tiranë në diskutime te mëparshme që kemi pasur me kryeministrin Rama dhe liderët e tjerë të rajonit. Nuk është vetëm ide e BE-së, por ka qenë edhe ideja e të gjithë rajonit. Ne po flasim se çfarë do të zbatojmë nga ky plan për këtë vit. Kjo punë po vijon dhe ne vijojmë dhe diskutimet se çfarë duhet të bëhet. Dita e sotme ka qenë dhe inkurajim i madh për të ecur para. Pritja për kamionët është hequr dhe mund të arrijmë të kursejmë edhe më shumë kohë. Këto janë ato gjëra që njerëzit duhet t’i ndiejnë, t’i prekin dhe t’i shohin. Këto janë risitë e këtij plani. Evropa është shumë burokratike, por mendoj se këtë herë ne kemi mundësi që të tregojmë përfitimet e drejtpërdrejta ekonomike të një vendi. Rajoni juaj mund të bëhet gati më shpejt për t’u bërë pjesë e BE-së. Këto vende po fillojnë që t’i aplikojnë këto rregulla që sot", u shpreh ai.

Sipas tij deri në 2027 rajoni do marrë të njëjtin intensitet ndihme si ajo e vendeve evropiane me vlerë 6 miliardë euro.

“Shumica e reformave kanë koston e tyre financiare, por jemi të gatshëm të zbusim koston, ndaj udhëheqësit e KE kanë vendosur 6 mld euro të ndihmojnë rajonin. Kjo është sasia e fondeve që u jepen vendeve anëtare. Deri në 2027 rajoni do marrë të njëjtin intensitet ndihme. Pas 2027 do ishte e vështirë që rajoni të thoshte nuk jemi gati akoma. Në 10 vite rajoni duhet të dyfishojë ekonominë”, tha ai.