web counter
LEXO PA REKLAMA!

SHKARKO APP

App Store
Google Play

E fundit!

x

Berisha, akuza Ramës/ Si e zbehu Samitin për Ukrainën me Vuçiçin

28 Shkurt 2024, 18:54, Politikë CNA

Berisha, akuza Ramës/ Si e zbehu Samitin për Ukrainën me

Kryetari i Partisë Demokratike, Sali Berisha përshëndeti presidentin e Ukrainës, Volodymyr Zelensky dhe shprehu mbështetje gjatë fjalës së tij për protestuesit.

Berisha ngriti akuza ndaj kryeministrit Edi Rama dhe presidentit serb, Aleksandër Vuçiç se zbehën rëndësinë e samitit, duke hequr nga deklarata sansionet ndaj Rusisë apo fjalën rrezik rus për Ballkanin Perëndimor.

Teksa e cilësoi Vuçiçin një Vladimir Putin të vogël, ai deklaroi se presidenti serb dominoi samitin.

“Rëndësinë e këtij samiti e zbehën dhe e dëmtuan shumë prania e binomit argat-padron, Vuçiç-Edvin. Duke garantuar presidentin Zelenski se PD dhe Shqipëria qëndrojnë në mbështetje të fuqishme dhe të palëkundshme të betejës së tyre, të mbrojtjes së tyre nga agresioni barbar i Vladimir Putinit, dhe se ata kanë pasur dhe do kenë mbështetje gjer në fitoren e plotë të kauzës së tyre të drejtë. Ky ka qenë qëndrimi i PD që ditën e parë të agresionit barbar të Vladimir Putinit.

Është e hidhur miq, që në deklaratën e sotme të samitit, padroni dhe argati Rama dhe Vuçiç, nuk shqipëroi njëherë të vetme fjalën sanksione ndaj Rusisë. Nuk shqipëroi një herë të vetme fjalën rrezik rus për Ballkanin. Nuk shqipëroi një herë të vetme emrin e barbarit Vladimir Putin.

Miqtë e mi, të lëshosh një komunikatë me qindra e qindra fjalë dhe të mos guxosh të përmendësh njëherë barbarin Putin për agresionin e tij ndaj Ukrainës, është njëlloj sikundër të flisje për nazistët dhe të mos flisje për Hitlerin. Po pse ndodh kjo?

Si ka mundësi që një komunikatë e publikuar nga krerë shtetesh dhe qeverish në kryeqytetin e një vendi të NATO-s, nuk guxon të thotë një fjalë të vetme, të përmende njëherë Vladimir Putinin, barbarin që urdhëroi sulmin mbi Ukrainën?

Arsyeja është vetëm një: në konferencë ishte Putini i vogël, ishte Aleksandër Vuçiç. Dominimi i tij në samit ishte i papranueshëm. Për vete ai nuk respekton sanksionet ndaj Rusisë. Përkundrazi, ka shndërruar Serbinë në një prapavijë të fuqishme të Rusisë së Putinit. Po mirë ai, po vendet e tjera, çfarë kishin që s’mund të përmendnin sanksionet ndaj Rusisë?

Kjo sepse mikpritësi i samitit, Edvin Rama, është argati i Vuçiçit dhe ata së bashku nuk lejuan të përmendej një herë të vetme fjala sanksione ndaj Rusisë, të përmendej një herë të vetme emri i Vladimir Putinit. Qoftë si guxim për ta denoncuar siç e meriton, por edhe në respekt të mikut të shquar, i cili ka guxim dhe kurajo në emër të popullit të tij ta denoncojë atë si një barbar të vërtetë", theksoi ish-kryeministri./ CNA





Lajmet e fundit nga