E fundit!

18:12 Aktualitet

Nis protesta e pestë e qytetarëve në Tiranë

Mbahet ditën e sotme protesta e radhës e qytetarëve në Tir...

Mediat ndërkombëtare, jehonë vizitës së Zelensky-t në Tiranë

28 Shkurt 2024, 10:30, Politikë CNA

Mediat ndërkombëtare, jehonë vizitës së Zelensky-t

Volodymyr Zelensky dhe Edi Rama

Të mërkurën, presidenti Ukrainas, Volodymyr Zelensky, ndodhet në Shqipëri në kuadër të Samitit “Ukrainë – Evropa Juglindore”.

Ai është pritur në një ceremoni nga kreu i qeverisë shqiptare, Edi Rama, ku kanë firmosur edhe disa marrëveshjeve bashkëpunimi dhe miqësie mes dy vendeve.

Volodymyr Zelenksy pritet të largohet sot nga Shqipëria, pas konferencës me kryeministrin Edi Rama në 13:30.

Punimet e Samitit do të nisin në 11:00 në Pallatin e Kongreseve, ku marrin pjesë Presidenti i Ukrainës, Volodymyr Zelensky, Presidentja e Moldavisë, Maia Sandu, Presidentja e Kosovës, Vjosa Osmani, Presidenti i Serbisë, Aleksandër Vuçiç, Presidenti i Maqedonisë së Veriut, Stevo Pendarovski, Kryetarja e Këshillit të Ministrave të Bosnje-Hercegovinës, Borjana Kristo, Kryeministri kroat, Andrej Plenkovici.

Ndërkohë, për këtë vizitë të Zelensky-t kanë shkruar edhe mediat ndërkombëtare si "Reuters", "The Guardian", "Daily Mail" dhe “Associated Press”.

“Zelensky i Ukrainës mbërrin në Shqipëri për Samitin e Evropës Juglindore”, është titulli i artikullit të "Reuters".

“Kievi po kërkon mbështetje ndërkombëtare për një plan paqeje, ndërsa pushtimi i Rusisë zvarritet në vitin e tretë dhe trupat ukrainase luftojnë për të mbajtur terren kundër sulmeve ruse,” thuhet ndër të tjera në artikull.

Ndërkohë në një artikull të “Associated Press” theksohet se Zelensky mbërriti në Shqipëri për të siguruar më shumë mbështetje për të mposhtur armikun.

"Zelensky do të bashkëpresë Samitin në Shqipëri duke kërkuar më shumë mbështetje për luftën nga Evropa Juglindore", është titulli i artikullit.

Edhe "Daily Mail" i ka kushtuar një artikull të gjatë vizitës së parë të Zelensky-t në vendin tonë që nga pushtimi i Rusisë.

“Kjo është hera e parë që Zelensky bën një vizitë në kombin ballkanik që kur Rusia pushtoi Ukrainën më shumë se dy vjet më parë. Kryeministri i Shqipërisë, Edi Rama, vizitoi Kievin, së bashku me kryeministrin e atëhershëm të Malit të Zi, Dritan Abazoviq, në qershor 2022,” theksohet në shkrim.

Nuk ka munguar edhe një shkrim nga prestigjiozja britanike, "The Guardian", e cila ka shkruar për vizitën e Presidentit ukrainas.

“Volodymyr Zelensky ka mbërritur në kryeqytetin shqiptar të Tiranës, ku do të marrë pjesë në një Samit me vendet e Ballkanit Perëndimor dhe do të zhvillojë takime dypalëshe me liderët e tyre. Kievi po kërkon mbështetje ndërkombëtare për një plan paqeje të Zelensky-t, ndërsa pushtimi i Rusisë po shkon në vitin e tretë dhe trupat ukrainase përpiqen të ruajnë territoret kundër sulmeve ruse”, thuhet në shkrim./CNA