web counter
LEXO PA REKLAMA!

SHKARKO APP

App Store
Google Play

E fundit!

x

Lali Eri "zë mend" pas kritikave në Asamble

25 Shkurt 2024, 11:52, Politikë CNA
Lali Eri "zë mend" pas kritikave në Asamble
Erion Veliaj

Drejtuesi Politik i PS-së për Qarkun e Tiranës, Erion Veliaj, ka zbritur në bazë dhe po zhvillon takime për anëtarësime të reja në parti.  

Pas kritikave që mori në Asamblenë e PS-së në javën e parë të muajit shkurt, Veliaj mesa duket kërkon të rregullojë "gabimet" e tij në lidhje me organizimin e partisë në qarkun më të madh të vendit.

Sot ai zgjodhi të bëjë takime me simpatizantët në Njësinë 5 në Tiranë, në krah të ministres së Shtetit për Sipërmarrjen dhe Klimën e Biznesit, Delina Ibrahimaj dhe Elva Margaritit. 

Pra, Veliaj kështu ka vendosur të mos shmangë drejtuesen politike të PS-së për Njësinë 5, Ibrahimajn, por të bëjë takime në krah të saj. Ai ka dashur të përcjellë mesazhin se në asnjë moment nuk shmang strukturat e partisë gjatë takimeve në terren. 

Gjatë fjalës së tij, ai nënvizoi se PS ka treguar në drejtimin e vendit dhe të bashkisë, që di të bëjë punë dhe të jetë pranë qytetarëve dhe bëri thirrje për pjesëmarrje. 

"Sot ne fillojmë një fushatë për të hapur Partinë Socialiste, me çuna dhe goca të reja vizionare. Nuk na duhen vetëm numrat, por na duhet edhe cilësia. Dua shumë që ta çojmë këtë punë deri në fund dhe për 100 organizata që kemi, të kemi 400 anëtarë të rinj, si çunat dhe gocat fantastike që do marrin kartën sot”, deklaroi Veliaj.

Pse ky veprim i Veliajt?

Kujtojmë që në Asamblenë e PS-së socialistët lëshuan kritika të forta ndaj organizimit të PS-së në Tiranë, e cila drejtohet nga kryebashkiaku Erion Veliaj.

Gjatë këtij takimi, i cili zgjati për më shumë se 5 orë, objekt kritikash ishin kryebashkiaku Veliaj, ish-ministrja Olta Xhaçka, Etjen Xhafaj e të tjerë.

Socialistët lëshuan një sërë akuzash ndaj tyre, duke thënë se Veliaj & Co zhvillojnë takime si OJF.

Sipas tyre, Veliaj shmang strukturat dhe vepron si parti e pavarur./CNA 

Lali Eri "zë mend" pas kritikave në Asamble
Foto nga takimi në Njësinë 5




Lajmet e fundit nga