E fundit!

14:51 Aktualitet

Video- Pas më shumë se 5 orësh, Igli Tare del nga SPAK-u

Ish-futbollisti i Kombëtares shqiptare të futbollit, Igli ...

DENONCIMI: Majlinda Bufi blen makinë 55 milionë lekë me paratë e qytetarëve

25 Shkurt 2024, 11:24, Politikë CNA

Majlinda Bufi

Partia Demokratike ka reaguar pas skandalit në Bashkinë e Roskovecit, ky kryetarja Majlinda Bufi akuzohet se me fondet publike ka blerë makinë luksoze me vlerë 55 milionë lekë.

"Ndërsa në tenderin e hapur më 6 nëntor, kërkesat dhe specifikimet teknike të grupit të prokurimit rriten. Më saktë ekzagjerohen duke kërkuar sedilje lëkure plus tapiceri lëkure, ngrohje dhe ftohje të ulëseve, pasqyra elektrike, xhama të zinj origjinalë fabrike, opsionin Start-stop të motorit, klimë bizonale, por dhe kompjuter bordi, Navi dhe Bluetooth", u shpreh Luan Baçi në një deklaratë për mediat.

Deputeti i PD-së thekson se qytetarët paguajnë taksat për investime në zonën e tyre dhe jo për dashurinë e shfrenuar të Bufit për jetën luksoze.

Partia Demokratike u bën thirrje organeve ligjzbatuese të marrin nën hetim urgjent kryetaren e bashkisë si dhe Këshillin Bashkiak për të rikthyer fondet e bashkisë në shërbim të qytetarëve dhe jo për të blerë bashkia makina luksi.

Deklarata e plotë:

Bashkia Roskovec është një nga bashkitë më të varfra të vendit ku ekonomia e qytetarëve është në pikën më dramatike. Asaj të mbijetesës. Por ky fakt nuk i bën aspak përshtypje kryetares së pangopur Majlinda Bufi.

Në këtë video të realizuar nga emisioni investigativ ‘Piranjat’ shihet kryetarja e Roskovecit ne makinën e luksit dhe se si ajo i ikën medias për llogaridhënie.

Milioneres në fjalë nuk i mjaftojnë bizneset që ka në administrim, gjobat që vë apo korrupsioni që bën më Bashki, por ajo i hap tender vetes së saj për një makinë të rehatshme me vlerë 55 milionë lekë.

Zonja në fjalë ka firmosur urdhrin për ngritjen e komisionit të llogaritjes të fondit limit dhe specifikimeve teknike, i cili ka dalë në një vendim në datën 14 shtator dhe ka vendosur specifikimet e para, sipas te cilave makina duhet të ishte e zezë ose ngjyrë gri e zënë, dhe kërkesat për luksin ishin vetëm për sediljet e lëkurës.

Ndërsa në tenderin e hapur më 6 nëntor, kërkesat dhe specifikimet teknike të grupit të prokurimit rriten. Më saktë ekzagjerohen duke kërkuar sedilje lëkure plus tapiceri lëkure, ngrohje dhe ftohje të ulëseve, pasqyra elektrike, xhama të zinj origjinal fabrike, opsionin Start-stop të motorit, klimë bizonale, por dhe kompjuter bordi, Navi dhe Bluetooth.

Cili banor i Roskovecit nuk do e donte një makinë të tillë? Pasi kujtojmë zonja Bufi këtë makinë luksi e merr me paratë e banorëve të varfër të Roskovecit.

Duket se e ka pasion vjedhjen pasi nuk ndalet në abuzimin e vazhdueshëm me taksat e qytetarëve dhe arrogancën e saj në krye të Bashkisë.

Roskoveci ndodhet në një kohë kur ka borxhe të shumta si bashki dhe me qytetarëve të shumtë pa përkrahje sociale.

Së fundmi kjo bashki me mentalitetin e partisë ‘Vidh ç’të gjesh përpara se drejtësinë e kemi ne’, ka rrëmbyer miliona para nga taksapaguesit e Roskovecit jo për të bërë ndonjë rrugë apo ndonjë shkollë por për të blerë një veturë luksoze të jashtëzakonshme që do ta kishte zili çdo kryebashkiak i vendit tonë.

Qytetarët i paguajnë taksat për investime në zonën e tyre dhe jo për dashurinë e shfrenuar të Bufit për jetën luksoze.

Partia Demokratike i bën thirrje organeve ligjzbatuese të marrin nën hetim urgjent Kryetaren e Bashkisë si dhe Këshillin Bashkiak për të rikthyer fondet e bashkisë në shërbim të qytetarëve dhe jo për të blerë bashkia makina luksi./CNA