E fundit!

11:30 Aktualitet

Kultura nën drejtimin e Gonxhes/ Nënfinancimi dhe pasojat në tregun e punës

Raporti më i fundit i INSTAT për vitin 2025 zbulon një rea...

Ngjarja horror në Durrës/ Balla: Nxit çdo vajzë, grua apo nënë të denoncojë dhunën

23 Shkurt 2024, 12:10, Politikë CNA

Ngjarja horror në Durrës/ Balla: Nxit çdo vajzë, grua apo

Taulant Balla

Ministri i Brendshëm, Taulant Balla është duke zhvilluar takim me krerët e Policisë së Korçës. Gjatë një deklarate për mediat ai komentoi edhe ngjarjen e rëndë në Durrës, ku një 19-vjeçare vrau babain e saj dhe më pas e varrosi në banesën e shtëpisë, për shkak se ai do ta fejonte pa dëshirën e saj.

Ministri theksoi se nxit çdo vajzë, çdo grua, nënë të këtij vendi që të denoncojë rastet e dhunës. Ai tha se do të ngrihen qendra ku do të trajtohen gratë e dhunuara.

"Viti 2023 ka qenë një vit me ngjarje të rënda të krimit brenda familjes, dhe po ashtu një numër i rritur i dhunës në familje ka ardhur për shkakun se policia është munduar të identifikojë të gjitha rastet që kemi patur sinjalizime. Dua të komunikoj me ju faktin që tashmë kemi një protokoll tërësisht tjetër nga policia e shtetit lidhur me konstatimin më të parë të një shqetësimi apo një ankese sa i përket dhunës në familje. Kryesisht bëhet fjalë për dhunë me bazë gjinore, dhunë seksuale, dhe unë nxis çdo vajzë, çdo grua, nënë të këtij vendi që të denoncojë rastet e dhunës dhe dua ta garantoj që jo vetëm policia e shtetit për sa i përket pjesës që i takon, por edhe institucionet e tjera, ju e keni parë që kemi filluar një qasje të re për sa i përket pronave të sekuestruara nga krimi dhe korrupsioni. Do mundohemi që një pjesë e këtyre pronave ti vendosim në shërbim të organizatave joqeveritare, të cilat të kthehen në strehëza apo shtëpi për vajzat, gratë të dhunuara dhe kjo betejë nuk është një betejë që mund ta fitojë vetëm policia e shtetit", u shpreh Balla.

Balla nënvizoi se Policia e Shtetit është aty për të bërë ndërhyrjen e parë dhe për të vendosur para ligjit dhunuesit.

"Kemi miratuar kësaj jave në mbledhjen e qeverisë, ligjin e ri për ndryshimin e ligjit për prefektin, për të ngritur këshillat vendorë të sigurisë publike përmes të cilave do të garantojmë një koordinim më të mirë të të gjitha institucioneve të sigurisë, agjencive ligjzbatuese dhe institucioneve të tjera dhe për më shumë një qasje proaktive në parandalimin e ccdo ngjarje kriminale", u shpreh Balla./CNA