web counter
LEXO PA REKLAMA!

SHKARKO APP

App Store
Google Play

Tabaku: Jam munduar ta bëj betejën në institucione, por Parlamenti është kapur

22 Shkurt 2024, 10:51, Politikë CNA

Tabaku: Jam munduar ta bëj betejën në institucione, por

Deputetja Jorida Tabaku foli për mediat pas përfundimit të seancës plenare, ku u miratua projektligji për Zonat e Mbrojtura.

Tabaku tha se është munduar që betejën politike ta bëjë në institucione, por theksoi se parlamenti është i kapur.

Ajo deklaroi se vota e deputetëve të PS-së ka vënë një pikëpyetje të madhe për funksionimin e parlamentit.

Deputetja theksoi se projektligji i miratuar sot për Zonat e Mbrojtura është korruptiv.

“Sot fatkeqësisht parlamenti votoi një ligj që është në shërbim të pakicës. I morën e i përdorën 12 deputetë të PS-së, ligj që ishte në shkelje të direktivave të BE-së, me ligjin e miratuar në zonat e mbrojtura do jepen investime strategjike, hotele me 5 yje. Nëse flasim për parlament të kapur, për mosruajtjen e balancës në parlament, ky është shembulli më i mirë. Kam kohë që përpiqem që betejën ta bëjmë në institucione, por në këto kushte vota e deputetëve nuk ka vlerë, vendos edhe një pikëpyetje të madhe për funksionimin e parlamentit. Shkelën angazhimin e konventave për mbrojtjen e mjedisit, janë 14 vendime për investime strategjike brenda Zonave të Mbrojtura.

Ky është një ligj korruptiv, që tregon kapjen e shtetit. Ka 14 ligje që tregojnë kapjen e shtetit. Unë di që qeverisë shqiptare është duke iu dërguar një notë proteste, se kapitujt për mjedisin janë ndër më të vështirët. Kur vjen puna për të marrë akte për hapjen e negociatave, i shkel ato me dy këmbë. Me këtë ligj shkoi akoma edhe më tej, mos e shikoni lidhjen vetëm me mjedisin, shikojeni kryekëput korruptiv. BE do vazhdojë përpjekjet, Shqipëria është një vend sovran, por kemi një detyrim nga procesi i integrimit. Është në shkelje të direktivave të BE-së dhe ligj korruptiv, do japë leje për ndërtim në Zonat e Mbrojtura”, tha Tabaku./ CNA





Lajmet e fundit nga