web counter
LEXO PA REKLAMA!

SHKARKO APP

App Store
Google Play

E fundit!

x

Alizoti nuk kursen Bashën/ “Është turp të thotë se është PD-ja”

21 Shkurt 2024, 16:01, Politikë CNA
Alizoti nuk kursen Bashën/ “Është turp të thotë
Tomor Alizoti

Deputeti i Partisë Demokratike, Tomor Alizoti, ka komentuar protestën e një dite më parë, duke thënë se ishte shumë e madhe dhe se gjithë Tirana kishte dalë në shesh.

Gjatë një interviste ai u shpreh se lideri i PD-së është Berisha dhe kjo është e padiskutueshme, pasi këtë e tregoi dhe protesta e djeshme.

“Protesta ishte shumë e madhe, Tirana kishte dalë në shesh. Ta imagjinosh që ata njerëz kanë dalë në shesh dhe kjo PD nuk njihet. Gjithë këta njerëz në shesh nuk njihen. Lideri i PD-së është Berisha, është lider i padiskutueshëm. Vula i është dhënë një grupimi që nuk ekziston.

Berisha është lideri i padiskutueshëm i opozitës. E kanë hetuar, sepse e dinë se është një njeri shumë i rëndësishëm i politikëbërjes në Shqipëri. Nuk jam berishist, nuk e dua liderin e fortë, por fakti është që ai është lider. Është kaq i fortë politikisht, sa kur të gjithë mendojnë se ka përfunduar, ai ngrihet sërish.

Lideri i ri do kohë që të lindë. Edhe CDU kishte Angela Merkelin dhe pas ikjes së saj, është krijuar një boshllëk i madh. Qytetarët kanë dalë në protestë, sepse kemi qeveri që kujdeset për makijazh. Jeta nuk është reklamë e jashtme, është ekonomi. Jeta në Shqipëri e në Tiranë është bërë e papërballueshme ekonomikisht”, tha Alizoti.

Më tej komentoi edhe faktin që Lulzim Basha thotë unë jam PD. Alizoti u shpreh se ky është një turp dhe nuk e shesh Bashën në asnjë anë.

“Në Shqipëri njerëzit mbijetojnë. Çmimet në vend janë të papërballueshme, janë sikur në vendet e zhvilluara.

Opozitës i erdhën pas njerëzit, tashmë gjërat duhet të konkretizohen. Jemi në një vend anormal. Besoj se dhe nesër do vijojë ajo që ka qenë, pra protesta në parlament. Njerëzit po ikin jashtë për t’u ushqyer, kjo tregon se qeveria ka dështuar. Pushteti në Shqipëri është absolut. Unë zotin Basha nuk e shoh në asnjë anë.

Është turp që Basha të thotë se unë jam PD. Pas asaj që u pa dje, Lulzim Basha nuk është Partia Demokratike. Basha është jashtë kohës dhe hapësirës. Unë pres që të ketë minimalisht drejtësi. Gjykata e sheh se kush është PD, kur ka mijëra njerëz në shesh.

Gjykata po të jetë serioze, merr vendimin për t’u kthyer në realitet, duhet të kthehet në realitet. Si mund të dalësh me pesë veta dhe të thuash jemi PD. Votuesit janë te Berisha. Sali Berisha ka aksionet të përcaktojë se kush do të ishte kandidati i denjë për të qenë kryeministër. Po të na marrë edhe ne mendim, nuk do bëjë keq”, ka deklaruar Alizoti./ CNA





Lajmet e fundit nga