web counter
LEXO PA REKLAMA!

SHKARKO APP

App Store
Google Play

Kuvendi, thirrje lobistëve: Regjistrohuni pranë institucionit tonë për të ushtruar të drejtën tuaj

21 Shkurt 2024, 09:18, Politikë CNA
Kuvendi, thirrje lobistëve: Regjistrohuni pranë institucionit

Kuvendi i Shqipërisë fton të gjithë lobistët që të të regjistrohen pranë institucionit për të ushtruar të drejtën e tyre sipas legjislacionit përkatës. 

Në njoftim theksohet se: “Në Kuvend krijohet regjistri i lobimit, grupeve të interesit dhe organizatave të shoqërisë civile që mbajnë marrëdhënie me deputetin dhe komisionet parlamentare, me qëllim pjesëmarrjen e publikut në procesin legjislativ". 

Njoftimi: 

Thirrje publike për regjistrim dhe përditësim të dhënash të Lobistëve
Kuvendi i Republikës së Shqipërisë, bazuar në Vendimin nr. 61/2018, datë 05.04.2018 “Për miratimin e Kodit të Sjelljes së Deputetit të Kuvendit të Shqipërisë”, (nenit 22): “Në Kuvend krijohet regjistri i lobimit, grupeve të interesit dhe organizatave të shoqërisë civile që mbajnë marrëdhënie me deputetin dhe komisionet parlamentare, me qëllim pjesëmarrjen e publikut në procesin legjislativ.”, fton Lobistët të cilët e çmojnë të arsyeshme të regjistrohen pranë institucionit tonë për të ushtruar të drejtën e tyre sipas legjislacionit përkatës. Për çdo saktësim apo përditësim të të dhënave, na kontaktoni në adresën e e-mail: [email protected] Lobistët, të cilat dëshirojnë të jenë pjesë e këtij regjistri, duhet të dërgojnë në adresën e mësipërme këto të dhëna:  

1. Emërtimin e plotë të subjektit;

2. Të dhënat e personit të kontaktit, apo administratorit;

3. Adresën postare dhe elektronike;

4. Përcaktimin e komisioneve pranë të cilave kërkohet regjistrimi. 

Ju faleminderit për bashkëpunimin!/CNA 

 





Lajmet e fundit nga