LEXO PA REKLAMA!

SHKARKO APP

Noka jep detaje nga protesta, komunikimi i Berishës me protestuesit

20 Shkurt 2024, 14:46, Politikë CNA
Noka jep detaje nga protesta, komunikimi i Berishës me protestuesit
Flamur Noka

Pak orë para nisjes së protestës, Flamur Noka, në një intervistë televizive, ka dhënë detaje në lidhje organizimin e sotëm të opozitës. 

Ai ka deklaruar se opozita do t’i japë një mesazh sot kryeministrit Edi Rama se bashkimi i opozitës do të afrojë fundin e tij.

Deputeti tha më tej se Berisha do të jetë në shesh duke përdorur teknologjinë. 

“Sali Berisha drejton PD-në dhe është i pranishëm në çdo aspekt të jetës sonë politike. Drejton e koordinon çdo aksion politik të PD-së dhe opozitës. Me gjithë përpjekjet e regjimit për ta izoluar dhe eliminuar politikisht, dita e sotme është një mesazh për regjimin që kjo betejë është e humbur. Beteja për liri nuk fitohet me pranga. Berisha do të jetë në shesh duke përdorur teknologjinë. Ai sfidon sot regjimin duke u thënë që ky regjim nuk ka mundësi të nënshtrojë demokratët. Sot ata janë bashkë dhe bashkimin e ka udhëhequr Berisha. Rama në Turqi, fakt që vetëm kryeministër nuk ka qenë gjatë gjithë kësaj kohe. Ishte një turist shëtitës. Arsye edhe më e madhe për të rrëzuar 'McGonigal'-in shqiptar. E ka pasur Shqipërinë tranzit”, tha ai./CNA 

 

 

 

Lajmet e fundit nga