web counter
LEXO PA REKLAMA!

SHKARKO APP

App Store
Google Play

Amnistia Penale/ Basha i përgjigjet Çuçit: Doni të "peshkoni" deputetë për ta votuar

22 Shkurt 2024, 11:56, Politikë CNA
Amnistia Penale/ Basha i përgjigjet Çuçit: Doni të
Lulzim Basha

Kreu i PD-së vë "Vulës", Lulzim Basha, në një konferencë për mediat, komentoi deklaratën e Bledi Çuçit për heqjen nga rendi i ditës të projektligjit të Amnistisë Penale.

Basha u shpreh se shpreson që arsyeja që dha Çuçi, të mos jetë një gënjeshtër, apo pjesë e pazarit të gjësë së gjallë për të "peshkuar" deputetë për të votuar. 

"Dëgjuam një deklarim të PS-së për arsyen se pse u hoq Amnistia. Shpresoj të jetë pjesë e gënjeshtrave të këtyre ditëve dhe të mos jetë pjesë e pazarit të gjësë së gjallë për të 'peshkuar' deputetë për të votuar. Hapi i parë që e zgjidh këtë, është heqja dorë nga propozimet që u futën tinëzisht për të përfituar zyrtarët e korruptuar. Së dyti, që futën propozimet e PD për t'u përfshirë në Amnisti protestuesit. Është kërkesë e PD-së, nuk është kërkesë për negocim, nuk është negocim, është e domosdoshme. Nuk ka asnjë tërheqje, ta marrin parasysh ata që kanë shumicën e votave, është qëndrimi ynë dhe i pandryshueshëm", u shpreh Basha. 

Në lidhje me këtë vendim, kreu i Grupit Parlamentar të PS-së, Bledi Çuçi, u shpreh se tërhoqën këtë projektligj, në respekt të traditës dhe që të votohet me konsensus. 

Kështu ai u justifikua në lidhje me vendimin e sotëm të mazhorancës, e cila nuk mundi të siguronte 84 vota për kalimin e këtij projektligji.  Çuçi nënvizoi se gjithmonë do të jenë në Kuvend 84 vota për të votuar Amnistinë Penale./CNA 





Lajmet e fundit nga