web counter
LEXO PA REKLAMA!

SHKARKO APP

App Store
Google Play

Çfarë pret Rama nga Samiti për Ukrainën në Tiranë

27 Shkurt 2024, 21:08, Politikë CNA
Çfarë pret Rama nga Samiti për Ukrainën në
Kryeministri Edi Rama

Nesër do të mbahet Samiti për Ukrainën në Tiranë, ku do të vijë edhe presidenti ukarinas, Volodymyr Zelensky.

Kryeministri Edi Rama tregoi se ideja për këtë samit lindi gjatë takimit të tij me Zelenskyn, ndërsa e cilësoi si një nder për Shqipërinë.

“Ndihem i përulur dhe i nderuar që bisedova me presidentin Zelensky, dhe që dëgjova sa rëndësi ai i jep Ballkanit Perëndimor dhe rajonit tonë, përfshi disa anëtarë të NATO-s përreth Ballkanit Perëndimor. Ideja për të organizuar samitin na lindi në bashkëbisedim. Në fakt, ftesat i kemi dërguar së bashku dhe samitin po e organizojmë të dyja palët. Në këtë pjesë të botës demokratike, nuk ka probleme me mbështetjen për Ukrainën, për integritetin territorial të saj. Gjithashtu, nuk ka probleme me të kuptuarit se Ukraina nuk po lufton vetëm betejën e saj, por ajo është domethënëse edhe përtej Ukrainës. Ato që ju përmendët janë gjëra të vërteta dhe shqetësuese. Ne bëjmë atë që mundemi. Nuk po mblidhemi në Tiranë për të ndryshuar rrjedhën e gjërave për të gjithë komunitetin demokratik. Në anën tjetër, nuk do të nënvlerësoj kontributin dhe ndikimin, ndaj po bëjmë detyrën tonë dhe sërish mendoj se është nder i madh për Shqipërinë që mirëpret këtë samit”, u shpreh ai.

I pyetur për pritshmëritë, kreu i qeverisë tha se me samitin dëshiron që t’i japë një mesazh shteteve më të mëdha dhe më të pasura që të mos justifikojnë vonesat por të mbajnë premtimet për Ukrainën.

“Dëgjoni, duhet të tregohemi realistë. Shqipëria, për shembull, është në top dhjetëshe në listën e kontribuuesve, por në terma relativë sipas kapaciteteve. Ndërkohë, jemi shumë të ndërgjegjshëm që nuk mund ta ndryshojmë dinamikën e kësaj lufte me çfarëdo që bëjmë. Por, thënë kjo, është e rëndësishme që të gjithë të bëjnë pjesën e tyre. Ndoshta, duke parë vendet tona, Malin e Zi, Maqedoninë e Veriut, Kroacinë, Bullgarinë, Serbinë, Bosnjen… ne jemi së bashku, mbështesim dhe jemi në solidaritet të plotë me Ukrainën… kjo do t’i thotë diçka shteteve më të mëdha dhe më të pasura. Premtimet janë aty, angazhimi po ashtu, por nuk jam i sigurt se justifikimet për gjithë këto vonesa mund të zgjasin edhe për shumë kohë. Të gjithë duhet të mbajnë premtimet”, deklaroi Rama./ CNA





Lajmet e fundit nga