Berisha, akuza SPAK-ut/ Drejtësia e re, kopje e shëmtuar se asaj të diktaturës

26 Shkurt 2024, 19:32, Politikë CNA

Berisha, akuza SPAK-ut/ Drejtësia e re, kopje e shëmtuar se asaj

Kryetari i Partisë Demokratike, Sali Berisha hodhi sërish akuza ndaj SPAK-ut gjatë fjalës për protestuesit poshtë shtëpisë së tij.

Berisha the prokurorët dhe gjyqtarët e SPAK-ut nuk kanë asnjë dallim nga prokurorët dhe gjyqtarët që firmosën në vitin 1951 vendimin për ekzekutimin e intelektualëve.

Ai ngriti pretendimet se drejtësia e re është kopja e shëmtuar e drejtësisë së vjetër të diktaturës.

Sipas tij, prokurorët dhe gjyqëtarët e posaçëm kanë si qëllim mbrojtjen e qeverisë dhe kryeministrit Edi Rama, si dhe shtimin e pasurisë së tyre.

“Miqtë e mi, në vitin 1951, gjykatës, prokurorë famëzi, firmosën pas pushkatimit dhe vendimit të Byrosë Politike, për ekzekutimin e martirëve, intelektualëve martirë. Mendoni ju se kishin ndonjë dallim ata nga Dumanët, nga anëtarët e organizatës kriminale të Skapit të partisë, nga Manekët?

Asnjë miqtë e mi!

Dy janë qëllimet e tyre kryesore. Të mbrojnë narkoshtetin, Edi Ramën dhe organizatën e tij kriminale qeverinë nga vjedhjet e kryera, krimet e shëmtuara, aktet antiligjore dhe antikushtetuese dhe të pasurohen për vete, të shtojnë si shushunja pasuritë e tyre në kurriz të ligjit, të të drejtave, të Kushtetutës.

Drejtësia e re është kopja e shëmtuar e drejtësisë së vjetër të diktaturës. Është drejtësia e mercenarëve që s’kanë ligj as moral ligjor. Ata që mbrojnë drejtësinë e re, ata mbrojnë krimet e Edi Ramës. Ata që u servirin shqiptarëve drejtësinë e re, u servirin mburojën e korrupsionit si drejtësi. U servirin mercenarët, bandat kriminale në drejtësi, që luftojnë kundër opozitës dhe qytetarëve.

Çfarë ligji respektojnë këta banditë? Ka një vendim të Gjykatës Kushtetuese për Teatrin. Zonja antikushtetuese del dhe merret me Olta Xhaçkën për luftë të brendshme në PD.

Nuk përmend vendimin.

Çfarë ligji mbrojnë këta kur pas një viti shkelmojnë, pështyjnë mbi fytyrën e tyre, vendimin që kanë marrë një vit më parë, siç është rasti i gazetarit Elton Qyno për burimet e informacionit.

A ka qenie më të shpifura se këta? A mund të pranohen këta, të cilët një vit më parë kanë vendosur në përputhje me Kushtetutën, se gazetarit nuk mund t’i kërkohen burimet dhe pas një viti kanë përligjur marrjen peng të gazetarit dhe i kërkojnë të dorëzojë burimet.

Çfarë janë këta mor? Cila është kjo drejtësi mor? Ky është varianti më i shëmtuar, ky është armiku juaj mor zotëri. Po pse e lavdërojnë të huajt, duhet ta lavdërojnë shqiptarët?

Kurrë, kurrë, kurrë! Ata që lavdërojnë këtë drejtësi, mbrojnë korrupsionin e tyre”, theksoi Berisha./ CNA