web counter
LEXO PA REKLAMA!

SHKARKO APP

App Store
Google Play

E fundit!

x

Skandali me varrezat/ Berisha: Krim i shëmtuar, punonjësit e Veliajt tregtojnë eshtrat

25 Shkurt 2024, 19:22, Politikë CNA
Skandali me varrezat/ Berisha: Krim i shëmtuar, punonjësit e Veliajt
Kryetari i PD-së, Sali Berisha

Kryetari i PD-së, Sali Berisha komentoi skandalin në varrezat e Tufinës gjatë fjalës së tij në protestën në rrugën “Mustafa Matohiti”.

Berisha kujtoi filmin ‘Të Mjerët’, ku rreshter Talardje vidhte të plagosurit dhe njerëzit e vrarë.

Ai deklaroi se të njejtën gjë bëjnë punonjësit e bashkisë së Tiranës, e cila drejtohet nga Erion Veliaj.

Berisha theksoi se nuk ka turp më të madh dhe krim më të shëmtuar se tregtia me varret e fëmijëve.

“Cilido që ka lexuar apo parë filmin ‘Të Mjerët’, i kujtohet aty një personazh, një rreshter, që quhej Talardje. Në fushëbetejë ai vidhte të plagosurit dhe të vdekurit. U hiqte orët, unazat dhe gjërat e çmuara.

Po punonjësit e bashkisë së Erion Veliajt që tregtojnë eshtrat, skeletet e foshnjave.

A ka më faqezi se ata mbi tokë, a ka turp më të madh se të kesh një kryetar të tillë bashkie.

A ka turp më të madh dhe krim më të shëmtuar se tregtia me varret e fëmijëve. A kanë fëmijë këta, a kanë njerëz këta. Këta i ka tjetërsuar vjedhja, këta i përkasin krimit dhe vetëm krimit.

Këta nuk janë më qenie njerëzore, nuk kanë dinjitet, janë skllevër të krimeve të tyre, duhet ti largojmë një orë e më parë nga pushteti”, theksoi kryedemokrati./ CNA





Lajmet e fundit nga