web counter
LEXO PA REKLAMA!

SHKARKO APP

App Store
Google Play

E fundit!

x

Këlliçi: Horrori në varrezat e Tiranës, fytyra e vërtetë e Veliaj!

25 Shkurt 2024, 17:47, Politikë CNA
Këlliçi: Horrori në varrezat e Tiranës, fytyra e
Drejtuesi i PD-së për Tiranën, Belind Këlliçi

Drejtuesi i PD-së për Tiranën, Belind Këlliçi ka reaguar sërish për skandalin në varrezat e Tufinës, ku ishin zhvarrosur eshtrat dhe ishin krijuar varre masive me eshtra foshnjash.

Këlliçi bëri përgjegjës kryebashkiakun e Tiranës, Erion Veliaj për këtë skandal, teksa deklaroi se realiteti është ndryshe nga propaganda.

Ai tha se pamjet e horrorit në varreza janë fytyra e vërtetë e Erion Veliajt.

“Në ‘kryeqytetin evropian të rinisë dhe të kulturës e të sportit’, siç e proklamon edhe gënjen, Kryetari aktual i Bashkisë, kemi hasur ato pamje që janë të paimagjinueshme, të denja për skena të filmave horror dhe të them të drejtën, dua të jem i sinqertë me shikuesit, unë kam marrë një denoncim rreth tre muaj më parë për këtë çështje.

Nuk kam dashur ta besoj, se përditë marrim denoncime kryesisht në rrjetet sociale dhe nuk e kam besuar se mund të ndodhë ky fenomen ku një rast që unë e kam marrë denoncim, po trajtohet ende nga emisioni Piranjat dhe besoj se do të jepet në vijim.

Dua t’i falënderoj publikisht për një punë fantastike që kanë bërë për të nxjerrë në pah, fytyrën e korruptuar të kësaj qeverie, kryekëput të korruptuar, por tashmë jo vetëm e korruptuar, por edhe qeveri barbare.

Tani, problemi është se aty nuk ka pasur vetëm mbetje të fëmijëve të futura në vasketa, kanë qenë pamje të paimagjinueshme, horror, ju falënderoj që i transmetoni, e kuptoj që është shumë e rëndë dhe e kuptoj mjaft mirë pjesën sensitive të këtyre pamjeve që shumë qytetarë mund të ngarkohen, por më mirë që qytetarët të shohin të vërtetën se çfarë ndodh në varrezat e Tufinës sesa ne të retushojmë pamjet dhe të mos u tregojmë qytetarëve të vërtetën.

Aty jo vetëm që ju shihni pamje, varrezën murale, po është një çarë ku janë pakot me eshtrat e fëmijëve dhe në një krah tjetër është e paimagjinueshme, barbare, antinjerëzore, trajtimi me qese plehrash i mbetjeve të rriturve, sepse aty unë kam parë edhe pamje filmike shumë të rënda që flitet për eshtra të personave të rritur që thjesht janë futur në qese plehrash dhe janë hedhur në një cep.

Të trajtosh qytetarësh që kanë ndërruar jetë, dinjitetin njerëzor në këtë nivel është përtej çdo politike.

E kam parë edhe kronikën e Veliajt ‘që do t’u kthente dinjitetin njerëzor’ të gjithë atyre familjeve që kishin nevojë që eshtrat e të afërmëve të tyre të preheshin të qeta në varrezat kryesore, në Tufinë dhe në Sharrë, por të shohësh sot tetë vite më pas këto pamje, kjo është fytyra e vërtetë e kësaj qeverisjeje lokale këtu dhe kjo është dhe fytyra e vërtetë e Erion Veliaj, që propaganda është tjetër gjë, realiteti është tjetër gjë”, theksoi Këlliçi./ CNA





Lajmet e fundit nga