web counter
LEXO PA REKLAMA!

SHKARKO APP

App Store
Google Play

E fundit!

x

Zelensky kërkon ndihmën e Shqipërisë dhe vendeve të rajonit për prodhim armësh

28 Shkurt 2024, 12:08, Politikë CNA

Zelensky kërkon ndihmën e Shqipërisë dhe vendeve të

Presidenti ukrainas, Volodymyr Zelensky, gjatë fjalës së tij në Samitin për Ukrainën që po zhvillohet në Pallatin e Kongreseve kërkoi nga Shqipëria dhe vendet e Ballkanit Perëndimor që të bashkëpunojnë për prodhimin e armëve.

Ai tha se para presidentit rus, Vladimir Putin, duhet të jemi të gjithë të bashkuar për të mundur këtë agresor që kërkon vetëm ndarje dhe kriza.

"Nuk duhet të ketë Evropë me dinjitete të ndryshme. Ne besojmë që çdo komb në Evropë që ruan parimet e komunitetit evropian, meriton integrimin e plotë. Ne të gjithë meritojmë që të jemi pjesë e komitetit evropian dhe NATO-s. Çdo udhëheqës dhe shtet mund të tregojë veten në procesin e paqes së Ukrainës. Ne duam që e drejtat ndërkombëtare dhe stabiliteti ndërkombëtar të bazohen në procese transperente. Ju ftoj të gjithëve të merrni pjesë në Samitin e parë global të paqes që do të mbahet në Zvicër. Jemi krenarë që kemi rreth 500 kompani në fushën e mbrojtjes dhe secila prej tyre shton fuqinë tonë, por kjo nuk mjafton. Jemi të interesuar në bashkëpunimin e prodhimit të armëve dhe me ju dhe bashkëpunëtorët. Duam të bëjmë një formulë për prodhimin e armëve me Ballkanin Perëndimor. Ne duhet të zhvillojmë marrëdhëniet tona në të gjitha fushat. Putin-i beson kaq shumë në ndarje dhe kriza, por ne duhet të jemi të bashkuar", u shpreh Zelensky./CNA 

 





Lajmet e fundit nga