Rama, në alarm: Në Ballkanin Perëndimor ka rrezik real nga agresioni rus

28 Shkurt 2024, 14:05, Politikë CNA

Rama, në alarm: Në Ballkanin Perëndimor ka rrezik real nga

Edi Rama

Në konferencën e përbashkët me presidentin ukrainas, Volodymyr Zelensky, kreu i qeverisë shqiptare, Edi Rama, u shpreh se në Ballkanin Perëndimor ka një rrezik real nga agresioni rus.

Kryeministri Edi Rama nënvizoi se të gjithë duhet ta shohin se ajo që po ndodh atje mund të përsëritet në mënyra të ndryshme duke vënë në pikëpyetje themelet e rendit botëror të mbështetur në rregulla.

Deklarata e Ramës:

Për mua është përgjigjja më e qartë për faktin se ku mund të shkojë bota nëse ne ndjekim logjikën e Putin-it për justifikimin e një lufte. Duke i bërë thirrje së shkuarës. Kjo është perandoria mongoleze Rusia është brenda saj. Ai që e publikoi këtë erdhi pas intervistës së Putin-it. Merreni me mend sikur në këtë rajon të gjithë t’ia nisin të mendojnë që t'i shohin marrëdhëniet ndërkombëtare të mbështetura në harta.

Do të ishte një luftë që nuk do të merrte kurrë fund. Jo të gjithë po e kuptojnë sot se për Putin-in të sulmojnë Ukrainën nuk ka të bëjë vetëm Ukraina, por është një sulm kundër bashkësisë së vendeve demokratike. Jo se Rusia do të pushtojë Gjermaninë, por nëse kjo logjika e ndezjes së një lufte bazuar në lavditë e kohëve të shkuara e hartat e një kohe tjetër, ne nuk do të jetojmë më në botën që njohim, por më i fuqishmi do të vendosë e të drejtat do të minohen.

Ajo që po ndodh sot në Ukrainë është një tjetër mësim që na thotë se nuk duhet të biem pre e relativizmit të këtij konflikti, të dy palëve. Ka një agresor dhe ka një viktimë. Gjithçka tjetër është çorientuese. Ne së bashku ndamë disa mendime, nuk jemi një rajon pa probleme. Nëse do të ndezësh një luftë e ke të vështirë të gjesh histori, apo një mesazh që mbështetet në lavditë e së shkuarës. Jetojmë në një terren ku është derdhur shumë gjak për shkak të luftës kundër njëri-tjetrit. Duhet të vazhdojmë që të punojmë së bashku në një mënyrë të tillë për atë që është interes i përbashkët yni, por në mënyrë paqësore. Na duhet të forcojmë demokracinë tonë.

Po ka një rrezik të qartë e real për Ballkanin Perëndimor për shkak të agresionit rus. Të gjithë duhet ta shohin se ajo që po ndodh atje mund të përsëritet në mënyra të ndryshme duke vënë në pikëpyetje themelet e rendit botëror të mbështetur në rregulla. Kjo është mesjetë! E shoh Ukrainën, lidhjen me këtë komunitet vendesh që aspirojnë të futen në BE si një vlerë e shtuar. Lufta mund të ndodhë nuk duhet të luajmë me zjarrin. Duhet të ruajmë një mendim të qartë. Nuk ka të bëjë vetëm më Ukrainën, por edhe me ne./CNA