E fundit!

15:57 Aktualitet

VIDEO-Vrasja në Maliq, Lamallari “zbarkon” në Policinë e Korçës

Ministri i Brendshëm, Besfort Lamallari, ka zbarkuar në Dr...

Zelensky krah Ramës dhe Vuçiçit/ Ironizon Murrizi: Mos ki frikë, me ta je i sigurt

28 Shkurt 2024, 18:45, Politikë CNA

Zelensky krah Ramës dhe Vuçiçit/ Ironizon Murrizi: Mos ki

Ish-deputeti Myslim Murrizi ka bërë një letër për presidentin e Ukrainës, Volodymyr Zelensky, i cili mori pjesë në Samitin e mbajtur në Tiranë.

Murrizi thotë se Zelensky nuk kishte pse të merrte shumë truproja, pasi ishte i sigurt në krah të kryeministrit Edi Rama dhe presidentit serb, Aleksandër Vuçiç.

Me tone ironike, ai pyëse nëse Zelensky trembet nga amerikanët, nga Kosova që nuk e njeh shtet, apo nga mosprezenca e Dorian Duçkës në takim.

Deklarata e plotë:

I nderuar Zelensky,

Kot je “harxhuar” dhe ke marrë gjithë ato forca pas vetes për t’u siguruar, e na bllokove trafikun në Tiranë. Të them të drejtën nuk e di nga kush ruhesh dhe nga kush ke frikë se mund të të “vrasin”???

Zelensky krah Ramës dhe Vuçiçit/ Ironizon Murrizi: Mos ki

Me Ramën dhe Vuçiçin në krah je më i sigurtë se çdo njeri në këtë botë. Rama e ka vlla Vuçiçin. Vuçiçi e ka vlla, dajë, baba, halle, xhaxha, kumbarë, zemër, shpirt, jetë Putinin. Putini e ka vlla presidentin e Kinës.

Rama ka vlla edhe Erdoganin e motër Melonin, ka idhull dhe të punësuar si këshilltarë Blerin e shok Macronin që erdhi privatisht dy ditë në Tiranë për biznes. Kryeministri(ja) e Francës edhe po të dojë të të “sulmoj”, nuk e lë i dashuri i tij ministër i Jashtëm sepse janë shumë humanë.

Atëherë nga kush ruhesh dhe nga kush ke frikë mor Z. President Zelensky??? Nga amerikanët???

Po rri mor burrë pa merak fare, se me ato e ka aq mirë Rama sa që sa herë t’ju thotë në tel për të ardhur në Shqipëri, (kuptohet jo vetë por Sorosi, ndërsa Rama vetëm bën pagesat) ata vijnë menjëherë siç erdhi Majk Pompei, ish-presidenti Clinton, dhe para 10 ditësh vetë Blinken.

Atëherë nga kush ke frikë mor Z. Zelensky???

Ti Kosovën nuk ke ndërmend ta njohësh si shtet, edhe pse po provon këto 2 vite, atë që Kosova ka vuajtur 55 vjet nga viti 1944-1999 një pushtim dhe sundim nga Serbia. Atëherë kot “trembesh” mor mik, rri pa merak se këtu je më i sigurtë se në çdo vend tjetër të botës.

Zelensky krah Ramës dhe Vuçiçit/ Ironizon Murrizi: Mos ki

Aaaaaaa tani e kuptova pse ke merak!!! Je frikësuar se nuk pe në takim krah Ramës “këshilltarin” Dor Duçka siç e kishte në Kiev, që Rama e përdor për të paguar “vrasës” si McGonigal???

Rri ore mik pa merak fare se nuk është aq dorë lëshuar Rama sa të paguaj qindra mijëra euro për të “vrarë” ty joooooo

Ti nuk je opozita e Ramës në Shqipëri dhe nuk i prish asnjë punë në pushtetin e tij, përkundrazi ai duke të takuar ty ju thotë gjithë botës që po nuk ju jam unë Kryeministër në Shqiperi, plas lufta e tretë botërore.

Gjithsesi ke kohë deri nesër që t’i takosh edhe Dorin edhe Gon Nezën se ma do mendja vërdallë janë, se nuk rrinë shumë larg Ramës ata shejtanër sidomos në evente të tilla.

Ndërsa McGonigalin nuk e takon dot këto kohë se e kanë dënuar ata shejtanër gjyqtarësh në Amerikë edhe pse Sorosi ju tha që ta falin.

Kështu që rri rehat e bridh e shif këto dy ditë nëpër Tiranë se në Kiev nuk të siguron dot Rama këtë qetësi./ CNA