web counter
LEXO PA REKLAMA!

SHKARKO APP

App Store
Google Play

E fundit!

x

Berisha zbulon “skenarin”/ Pse nuk u vendosën flamuj në Samitin për Ukrainën

28 Shkurt 2024, 19:11, Politikë CNA
Berisha zbulon “skenarin”/ Pse nuk u vendosën flamuj në
Kryetari i Partisë Demokratike, Sali Berisha

Kryetari i Partisë Demokratike, Sali Berisha zbuloi “skenarin” në Samitin për Ukrainën, ku nuk u vendosën flamujt kombëtarë.

Berisha tha se shkas për mosevendosjene flamujve ishte presidenti i Serbisë, Aleksandër Vuçiç.

Sipas tij, Vuçiç nuk donte flamurin e Kosovës në Samit dhe për këtë arsye kryeministri Edi Rama e zhvilloi samitin pa përmendur emrat e shteteve.

“Të dashur miq, fatkeqësi e vendit të ketë një përfaqësues si Edi Rama. Samiti u zhvillua, siç e patë ju, pa flamuj kombëtarë. Asnjë flamur. Pa përmendur emrat e asnjë shteti. Pa përmendur emrat e asnjë vendi.

Kjo për turpin më të madh të Edi Ramës. Sepse kështu diktonte Putini i vogël. Nuk mund të toleronte flamurin e Kosovës. Dhe ky nacionalist i verbër preferon të fshehë edhe flamurin e tij, mjafton të mos valëvitet flamuri i Kosovës.

Kjo është një histori turpi për Edi Ramën. Pra, çfarë është kjo miqtë e mi? Ky është kodi i dy autokratëve, i një padroni dhe një vasali që ngjajnë si pika e ujit me njëri-tjetrin.

Që vjedhin zgjedhjet dhe votën e qytetarëve të vendit të vet, që nuk pranojnë rotacionin, që janë të implikuar në skandalet më të mëdha korruptive. Që ruajnë lidhjet më të tmerrshme me krimin e organizuar në vendet e tyre, në rajon dhe në botë”, theksoi Berisha./ CNA





Lajmet e fundit nga