web counter
LEXO PA REKLAMA!

SHKARKO APP

App Store
Google Play

Rama e pranon hapur: Kemi nevojë për reforma në mirëqeverisje dhe sundimin e ligjit

29 Shkurt 2024, 09:56, Politikë CNA
Rama e pranon hapur: Kemi nevojë për reforma në
Edi Rama

Nis Samiti BE-Ballkani Perëndimor. Kryemistri Edi Rama, gjatë fjalës së tij, theksoi se në Tiranë ka ende nevojë për një valë të re reformash në mirëqeverisje dhe sundimin e ligjit dhe antikorrupsionin.

Kreu i qeverisë shqiptare pranoi para liderëve të rajonit se në vendin që ai drejton ka probleme në fushën e sundimit të ligjit dhe në mirëqeverisje. 

"Duhet të ketë përpjekje të përbashkët nga ekzekutivi, legjislativi, gjyqësori dhe kjo është thelbësore, përfshirja e aktorëve të tjerë do të jetë e rrezikshme", u shpreh kreu i qeverisë shqiptare. 

Në fjalën e tij, Rama shtoi më tej se duhet të lëmë mënjanë çështjet komplekse në rajon dhe të fokusohemi te rruga evropiane dhe rritja ekonomike si bashkëpunim mes vendeve.

"Mbetemi të vendosur për të nxitur marrëdhëniet tona. Po bashkëpunojmë ngushtë me aleatët e BE-së për të përmirësuar ekonominë tonë. BE duhet të gjejë rrugë të reja për të na ndihmuar në rrugën tonë drejt integrimit. Të vendosur për nxitjen e paqes në Rajon. Unë e pranoj se ndryshe nga Shqipëria vendet e rajonit ndeshen me çështje komplekse, por duhet t'i lëmë mënjanë këto. Shqipëria, Serbia dhe Maqedonia e Veriut ndërmorën nismën e 'Ballkanit të Hapur'. Ekonomitë tona nuk mund të lulëzojnë duke penguar lëvizjet tona. BE është tanimë që të na ndihmojë që të bëhemi pjesë e saj, por ne tani duhet të ndihmojmë veten. Më vete jemi të gjithë të vegjël. Së bashku ne mbartim, rëndësi dhe potencial për rëndësi pozitive", u shpreh ai./CNA 





Lajmet e fundit nga