web counter
LEXO PA REKLAMA!

SHKARKO APP

App Store
Google Play

Çështja "Beleri"/ Dule ngre gishtin ndaj Ramës: Gjithçka me regji të kryeministrit

29 Shkurt 2024, 11:03, Politikë CNA
Çështja "Beleri"/ Dule ngre gishtin ndaj Ramës:
Vangjel Dule

Kreu i PBDNJ-së, Vangjel Dule, në një deklaratë për mediat, u shpreh se çështja ndaj Fredi Belerit ka qenë me regji të kryeministrit Edi Rama.

Sipas Dules, në rastin e Belerit nuk pati një arrestim, por një rrëmbim demonstrativ në qendër të Himarës. 

"Qëllimi është t'i përgjigjemi sensibilitetit jashtë dhe brenda vendit mbi ecurinë e procesit ligjor ndaj kreut të Bashkisë Himarë, Fredi Beleri. Kjo është një çështje që nisi në 6 maj nga kryeministri dhe kryetari i PS-së, zoti Rama. Nisi në fushatën zgjedhore në Bashkinë e Himarës, ku u evidentuan prej të gjithëve dy elemente të papranueshme për një fushatë zgjedhore. Denigrimi i figurës së zotit Beleri me fyerje, bullizëm dhe karakterizime të papranueshme. Dhe, së dyti, me shpifje. Duke instrumentalizuar një intervistë në mediat greke, Rama shfrytëzoi segmente të medias prej tij e shndërroi në helenizim duke përmbysur kuptimin e fjalës. Kur nuk gjetën një fakt të vetëm gjatë përgjimeve. Realizohet një arrestim, në fakt rrëmbim demonstrativ në qendër të Himarës, kur ai ishte me avokatin e tij. Kemi arrestim të cilësuar në flagrancë pa asnjë prove fakt e dokument.
Që nga 6 maji deri në 12 maj përgjimet e Belerit u shoqëruan në paralelen tjetër me retorikën në rritje nacionaliste të Ramës. Një orë para arrestimit Rama e kërcënoi drejtpërdrejt nga një emision televiziv. Rama nuk u ndal me kaq, para çdo vendimi të gjykatave si për gjykimin në themel edhe për masat e sigurisë apo leja për betim, i ka paraprirë me deklaratat publike, duke matur peshën e fajit dhe duke e krahasuar me raste analoge. Kjo është ndërhyrje e hapur në punën e gjyqësorit dhe dëshmon se çështja 'Beleri' ka qenë regji e monitorim nga Rama. Ju sjell në vëmendje se përjetojmë dy shkelje madhore kushtetuese", u shpreh Dule./CNA 

 

 





Lajmet e fundit nga