web counter
LEXO PA REKLAMA!

SHKARKO APP

E fundit!

x

Gjykata e Apelit dënon Ervin Salianjin/ Një vit burg për “Babalen”

26 Shtator 2024, 13:44, Aktualitet CNA
Gjykata e Apelit dënon Ervin Salianjin/ Një vit burg për
Ervin Salianji

Ervin Salianji është dënuar me një vit burg nga Gjykata e Apelit të Tiranës për dosjen "Babale".

Çështja “Babale” nisi në pranverën e vitit 2018, kur Ervin Salianji publikoi një audio-përgjim, ku sipas tij Agron Xhafaj, vëllai i ministrit të Brendshëm të asaj kohe, Fatmir Xhafaj ishte i përfshirë në trafik droge.

Sipas audio-përgjimit, që në fakt ka rezultuar një material i montuar, vëllai i Fatmir Xhafajt, Agron Xhafaj u akuzua se ishte kapur në përgjime me një me një ish-trafikant, Albert Veliun (Babalja).

Por, nga hetimet rezultoi se Fredi Alizoti, ka qenë personi që në disa raste bën zërin e Agron Xhafajt (në rol).

Pas verifikimit të fakteve, në 18 dhjetor 2019 Ervin Salianji u dënua me një vit burg nga Gjykata e Tiranës për dosjen “Babale”, me akuzën e kallëzimit të rremë.

Në 2022-shin dosja shkoi në Apel dhe që prej asaj kohe seancat janë shtyrë për mungesën e avokatëve të palëve.

Sot, Gjykata e Apelit vendosi të lërë në fuqi vendimin e Shkallës së Parë./ CNA





Lajmet e fundit nga