web counter
LEXO PA REKLAMA!

SHKARKO APP

App Store
Google Play

E fundit!

x

“Babalja”, drejt burgut?/ Jepet sot vendimi në Gjykatën e Apelit

26 Shtator 2024, 09:52, Aktualitet CNA
“Babalja”, drejt burgut?/ Jepet sot vendimi në Gjykatën e
Ervin Salianji

Këtë të enjte do të mbahet seanca për dosjen “Babale” në Gjykatën e Apelit.

Trupa gjykuese do të japë vendimin për deputetin Ervin Salianji në orën 13:00.

Pas një zvarritjeje të gjatë me shtyrje seancash dhe me mosparaqitje të avokatëve në gjyq, sot pritet t’i vihet kapaku çështjes “Babale”, mashtrimit të Salianjit në lidhje me një audio-përgjimin e vëllait të ish-ministrit Fatmir Xhafaj, Agron Xhafaj.

Në seancën e kaluar, “Babalja” për të “shpëtuar kokën” mori në gjykatë Grupin Parlamentar të PD-së, ndërsa dje doli publikisht dhe kërcënoi gjyqtarin e çështjes.

“Babalja”, drejt burgut?/ Jepet sot vendimi në Gjykatën e

Kujtojmë se çështja “Babale” nisi në pranverën e vitit 2018, kur Ervin Salianji publikoi një audio-përgjim, ku sipas tij Agron Xhafaj, vëllai i ministrit të Brendshëm të asaj kohe, Fatmir Xhafaj ishte i përfshirë në trafik droge.

Sipas audio-përgjimit, që në fakt ka rezultuar një material i montuar, vëllai i Fatmir Xhafajt, Agron Xhafaj u akuzua se ishte kapur në përgjime me një me një ish-trafikant, Albert Veliun (Babalja). (Lexo këtu)

Por, nga hetimet rezultoi se Fredi Alizoti, ka qenë personi që në disa raste bën zërin e Agron Xhafajt (në rol).

Pas verifikimit të fakteve, në 18 dhjetor 2019 Ervin Salianji u dënua me një vit burg nga Gjykata e Tiranës për dosjen “Babale”, me akuzën e kallëzimit të rremë. (Lexo këtu)

Në 2022-shin dosja shkoi në Apel dhe që prej asaj kohe seancat janë shtyrë për mungesën e avokatëve të palëve./ CNA





Lajmet e fundit nga