web counter
LEXO PA REKLAMA!

SHKARKO APP

App Store
Google Play

E fundit!

x

“Forbes”: Shqipëria, vendi i tretë në botë për emigracionin, në 4 vite iku 30,7% e popullsisë

25 Shtator 2024, 15:07, Aktualitet CNA

“Forbes”: Shqipëria, vendi i tretë në botë

Revista prestigjoze amerikane, “Forbes”, ka nxjerrë disa të dhëna për emigracionin në botë, që nga viti 2020.

Shqipëria është listuar si vendi i tretë në botë me emigracionin më të madh, që kap shifrat e 30,7% të popullsisë.

Sipas “Forbes”, 30,7% e shqiptarëve janë larguar nga Shqipëria dhe kanë emigruar në vende të ndryshme të botës.

Në fakt, shifra duhet të jetë më e madhe, pasi po të llogaritësh largimet në 30 vite, lindjet e fëmijëve dhe shumë faktorë të tjerë rezulton që ka më shumë popullsi të larguar.

“Forbes”: Shqipëria, vendi i tretë në botë
Statistika e "Forbes"

Duhet theksuar se shumë emigrantë shqiptarë fëmijët nuk i kanë të regjistruar në Shqipëri, por në shtete ku janë zhvendosur.

Nëse llogaritet sipas këtyre shifrave shqiptaria duhet të jetë rreth 4 milion banorë dhe 2.2 milionë duhet të jenë jashtë saj.

Nga ana tjetër, nga të dhënat e censit të popullsisë të viti 2023, rezultonte se Shqipëria kishte 2.402.113 banorë, 419 mijë e 831 ose rreth 17 % banorë më pak.

Por shifrat e revistës prestigjoze “Forbes” rrëzojnë censin e popullsisë, i cili na thonte se popullsia ishte ulur me vetëm 17%.

Sipas këtyre të dhënave, që në fakt mund të jenë edhe më të thelluara sesa ka nxjerrë studimi, emigracioni në Shqipëri kalon edhe emigracionin në vendet e Afrikës ku lëvizja e popullsisë është e madhe për shkak të krizës së urisë.

Vendi ynë është braktisur nga popullsia më shumë se Jamaica, e cila renditet e pesta nga “Forbes”, me largim të popullsisë prej 28,6%.

Madje edhe Sirinë ku ka luftë nuk e kanë braktisur aq sa Shqipërinë, pasi në tabelë renditet pas vendit tonë./ CNA





Lajmet e fundit nga