web counter
LEXO PA REKLAMA!

SHKARKO APP

App Store
Google Play

Gjergj Luca, jehonë në Britani dhe Francë/ Mediat prestigjioze “vulosin” suksesin e “Trattoria Meloni”

25 Shtator 2024, 11:31, Aktualitet CNA

Gjergj Luca, jehonë në Britani dhe Francë/ Mediat prestigjioze

Media prestigjioze britanike “The Guardian” dhe francezja “Le Figaro”, i kanë dedikuar artikuj restorantit “Trattoria Meloni” nga sipërmarrësi shqiptar, Gjergj Luca.

“Tratorria Meloni” është një restorant në Shëngjin që i kushtohet Giorgia Meloni-t, ku gjenden plot 100 portrete të kryeministres italiane.

“The Guardian” shkruan se ky nuk është vetëm një ambient shërbimi, por është një shenjë mirënjohje nga ana e biznesmenit kundrejt Meloni-t për arritjen e marrëveshjes së pensioneve me kryeministrin Edi Rama, përmes së cilës përfitojnë rreth 500 mijë shqiptarë që jetojnë dhe punojnë në Itali.

Në muret e “Trattoria Meloni”, varen 100 portretet e “signorina” Giorgia Meloni-t. Çdo tablo pasqyron një pjesë të jetës së kryeministres dhe shprehitë e fytyrës së saj në momente të caktuara, të pacensuruara dhe pa “maskë”.

Gjergj Luca, jehonë në Britani dhe Francë/ Mediat prestigjioze

Ndërsa në një artikull nga mediat franceze, thuhet se në restorant mund të gjeni portertet e Meloni-t, “të buzëqeshur, Meloni serioze, Meloni e zemëruar, Meloni si fëmijë, adoleshente apo politikane”.

“Gjergj Luca, një sipërmarrës i çuditshëm 58-vjeçar (60 për të qenë të saktë), djali i një aktori të famshëm në Shqipëri, i vuri restorantit të tij në Shëngjin emrin  Meloni, i joshur nga personaliteti i kësaj lidere politike të ekstremit të djathtë, të cilin ai e konsideron “të jashtëzakonshëm”, -shkruan francezja “Le Figaro”.

Gjergj Luca, jehonë në Britani dhe Francë/ Mediat prestigjioze

Mediat europiane i kanë dedikuar dhjetëra artikuj Shqipërisë për bukuritë e saj natyrore, për plazhet e kristalta, për kulinarinë e jo vetëm, duke e shndërruar vendin në një destinacion të lakmuar për turistët nga e gjithë bota./CNA





Lajmet e fundit nga