E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Tratoria e epokës së Melonit/ Luca hap "shtëpinë e mirënjohjes" në Shëngjin, restorantin më të ri

15 Gusht 2024, 14:10, Aktualitet CNA

Biznesmeni dhe sipërmarrësi, Gjergj Luca ka bërë investimin më të ri gjigant në Shëngjin të Lezhës.Sipërmarrësi ka hapur restorantin e tij më të ri, të cilin e ka quajtur “Tratoria Meloni”.

Ashtu si në pikat e tjera dhe ky restorant ka një kuptim pas mureve të tij. Brenda këtij restoranti Gjergj Luca ka vendosur të sjellë të gjithë ngjyrat, shijen dhe epokën e kryeministres së Italisë Giorgia Meloni.

Për sipërmarrësin nuk është thjesht një restorant i radhës që ka hapur por një shtëpi mirënjohje për të gjithë kontributin që Meloni dhe Italia i kanë dhënë Shqipërisë.

Më shumë se sa një restorant, ky vend sipas Lucës është një ekspozitë në të cilën kalon jeta e gruas që ndryshoi politikën dhe maskën.

Luca është shprehur se është një borxh që ia kemi kësaj gruaje të madhe për të gjithë ata që ka bërë për Shqipërinë dje dhe sot.

“Përshëndetje miq nga Shëngjini ku ne përfunduam restorantin tonë të ri. Dhe ia kemi dedikuar kësaj zonjushës që është bërë kaq dashamirëse dhe ka ndihmuar rreth 500 mijë shqiptarë për të marrë pensionet një gjë që ne nuk e kemi ëndërruar kurrë se mund të vinte ajo ditë.

Më ndiqni pak miqtë e mi.

Ne kemi realizuar një ekspozitë ku kemi përmbledhur gjithë jetën e kësaj “signorina” të mrekullueshme që ky vend nuk ka për ta harruar kurrë, mos i harroni fjalët e mia.

Po ta shihni është e përmbledhur e gjitha jetë e saj në pikturë nga një mjeshtër i jashtëzakonshëm që është duke i punuar pikturat të cilin unë do ua prezantoj, Helidon Halitin. Brenda kësaj salle janë mbi 100 jetë.

Siç e shihni këtu janë të gjithë karakteret e saj, si ka kaluar jetën dhe në çfarë gjendjesh emocionale se si e shpreh emocionin e saj para njerëzve, politikës, dhe nuk i vjen keq. Nuk është politikane që ka maskë por që e shpreh në çdo situatë atë që ndjen përbrenda. Është një njeri krejt ndryshe që i ka ardhur Italisë. Ku i gjen këta politikanë që të kenë këtë jetë.

Ajo nuk i fsheh emocionet e saj prandaj kjo grua, kjo “signorina” është femër kaq e madhe që i ka ardh Italisë dhe Europës për të ndërruar sistemin e politikës dhe të maskës. Ky njeri shpreh atë që ne të gjithë shprehim në jetën tonë të përditshme dhe ky është ndryshimi.

Në respekt të kësaj gruaje të madhe dhe të miqësisë ajo po bëhet një avokate për të mbrojtur Shqipërinë dhe për të luftuar që ne të kalojmë përmes Italisë e cila po bëhet rrugë jonë për të hyrë në komunitetin europian.

Ne këtij njeriu i kemi borxh për t’i bërë një ekspozitë kaq të vogël në Shëngjinin tone që me datë 20 vijnë të parët njerëz në vendin që shteti italian ka bërë një investim ku ne sado pak jemi munduar të lehtësojmë një problem të madh në Itali spese duhet dhe ne të shprehim mirënohjen për këtë politikane të madhe që po bën kaq shumë për Shqipërinë.

500 vjet turku nuk ka lënë asnjë gjurmë unë nuk di ta gjej më mbrapa kalo njëra palë dhe kalo tjetra palë. Unë dua të më thoni me përjashtim të bulevardi të Tiranës, të ministrive, të universiteteve, të bibliotekave të shkollave, të Shkodrës time, çfarë gjurmësh të tjera kanë lënë me dhjetëra pushtues të këtij vendi për shekuj e shekuj me radhë.

Kështu që faleminderit asasj Italie pavarësisht se në çfarë situatash ka qenë që gjithmonë ka kthyer kokën nga kjo Shqipëria e vogël dhe të njëjtën gjë bën dhe sot.

Ky lokal do të quhet “Tratoria Meloni”, tha Luca./ CNA