web counter
LEXO PA REKLAMA!

SHKARKO APP

App Store
Google Play

E fundit!

x

“Festa e Birrës, impakt të rëndësishëm në ekonomi”/ Filo: Janë shtuar turistët

14 Gusht 2024, 22:48, Aktualitet CNA

Kryebashkiaku i Korçës, Sotiraq Filo, ka folur nga Terminali i Autobusëve në Korçës, për Festën e Birrës, e cila ka startuar këtë të mërkurë.

Filo tha se mijëra njerëz kanë shkuar në Korçë, ndërsa këtë vit ka pasur një numër të shtuar të turistëve të huaj.

Ai theksoi se Festa e Birrës ka edhe një impakt të rëndësishëm në ekonominë lokale të Korçës.

“Sot ka startuar edicioni i 18-të i Festës së Birrës. Është një event i jashtëzakonshëm, i cili zhvillohet në Korçë gjatë 5 netëve. Është një event, i cili pret këtu në shesh disa mijëra njerëz në secilën prej netëve të tij.

“Festa e Birrës, impakt të rëndësishëm në
Kryebashkiaku i Korçës, Sotiraq Filo

Është festa, e cila tashmë është shndërruar në traditë, ku të gjithë pjesëmarrësit kanë mundësi të shijojnë produkte tradicionale të Korçës, padyshim birrat e ndryshme që marrin pjesë në këtë festë, por edhe spektaklin, edhe koncertin e jashtëzakonshëm, ku edhe këtë vit ne jemi kujdesur të sjellim disa nga emrat e jashtëzakonshëm, jo vetëm të muzikës shqiptare, por edhe të muzikës ballkanike.

Festa e Birrës ka edhe një impakt të rëndësishëm, edhe në ekonominë lokale të qytetit, mjafton të përmendim faktin se në të pestë netët kapacitetet e hotelerisë në qytetin e Korçës, në Bashkinë e Korçës janë totalisht të rezervuara edhe këtë vit, ashtu si vitet e tjera.

Festa e Birrës shënon një kulminacion në sezonin turistik veror në qytetin e Korçës. Unë besoj se këtë vit kemi pasur një sezon turistik të suksesshëm, ku në dallim nga vitet e tjera, krahas turistëve vendas, kemi pasur një numër të madh të turistëve ndërkombëtarë dhe jam shumë i sigurt se ky numër, në vitet e tjera do të jetë gjithmonë në rritje”, deklaroi kryebashkiaku i Korçës./ CNA





Lajmet e fundit nga