web counter
LEXO PA REKLAMA!

SHKARKO APP

App Store
Google Play

Çel siparin Festa e Birrës/ Atmosferë e zjarrtë, në edicionin e 18-të

14 Gusht 2024, 21:48, Aktualitet CNA

Nën tingujt e muzikës ka startuar Festa e shumëpritur e Birrës në Korçë.

Mijëra qytetarë nga të gjithë qytetet e vendit, por edhe turistë kanë shkuar në Korçë.

Festa e Birrës po mbahet te terminali i Autobusëve, ku hyrja është pa biletë.

Në këtë natë të parë do të performojë Xheisara Frisku. Gjithashtu, atmosfera do të “ndizet” nga vëllezërit korçarë Endri dhe Stefi Prifti, dy nga këngëtarët më të dashur në Shqipëri.

Një surprizë është edhe ylli i muzikës helene, Kelly Kelekidou, e cila do të sjellë në Korçë pak atmosferë greke.

Përveç muzikës së këndshme, qytetarët dhe turistët po shijojnë ushqim të mirë dhe birrat e markave më të njohura.

Festa e Birrës është ideuar dhe implementohet prej 18 vitesh nga Bashkia Korçë, në bashkëpunim me partnerë dhe me mbështetjen e bizneseve më prestigjoze në Shqipëri.

Ajo do të vijojë edhe për 4 netë të tjera, ku pritet të ngjiten në skenë emra të njohur të muzikës shqiptare dhe jo vetëm. Në skenën e Festës së Birrës do të performojnë edhe artistë të tjerë grekë. Nuk na mbetet gjë tjetër, veçse t’ju themi shijojeni festën dhe nxitoni për të përjetuar emocione të paharrueshme në Korçë./ CNA





Lajmet e fundit nga