web counter
LEXO PA REKLAMA!

SHKARKO APP

E fundit!

x

Gara për kreun e ri të Policisë së Shtetit, 11 kandidatë në intervistë

25 Shtator 2024, 10:38, Aktualitet CNA

Gara për kreun e ri të Policisë së Shtetit, 11

Që nga ora 09:00 ka nisur seanca dëgjimore me 11 kandidatët për postin e Drejtorit të Përgjithshëm të Policisë së Shtetit.

Komisioni i posaçëm i përbërë nga zv.ministri i brendshëm, sekretari i përgjithshëm i policisë së Shtetit dhe kreu i AMP, pas përfundimit të seancave dëgjimore do të bëjnë vlerësimin e kandidatëve me pikë.

Procesi po kontrollohet edhe nga ndërkombëtarët, misioni asistues policor ICITAP i SHBA dhe EU4LAW.

Pas përfundimit të seancës dëgjimore kandidatët me më shumë pikë do t’i propozohen kryeministrit Edi Rama nga Ministri i Brendshëm, Ervin Hoxha. Ai ka bërë me dije se deri në fund të javës do të ketë një emër konkret për Drejtor të Përgjithshëm.

Nga gara janë skualifikuar 4 kandidatë, Sami Rasha, Shemsi Prençi, Ibrahim Disha dhe Hajrulla Xhivini.

Vijojnë garën 11 të tjerët, Adriatik Tafçiu, Altin Mena, Ardian Çipa, Gentjan Shehaj, Idajet Faskaj, Ilir Proda, Lutfi Minxhozi, Neritan Nallbati, Pëllumb Seferi, Reban Jaupi dhe Skënder Hita./CNA





Lajmet e fundit nga