web counter
LEXO PA REKLAMA!

SHKARKO APP

App Store
Google Play

E fundit!

x

Të gjithë kundër kujt?

25 Shtator 2024, 13:57, Aktualitet CNA
Të gjithë kundër kujt?
Kryegjyshata Botërore në Shqipëri

Kryeministri Edi Rama foli në OKB dhe tha se mund të kishte një urdhër për një shtet sovran të bektashinjve në Shqipëri, një propozim i tij që më parë ishte dhënë në gazetën “New York Times”, një nga më të mëdhatë në botë. (Lexo këtu)

Në fakt, ajo që është parë këto ditë në Shqipëri është se shumica kanë reaguar kundër, ka pasur reagime nga më komplekset, diku nga padija, diku i ka gjetur zbuluar, një është fakti i vërtetë, Edi Rama vetëm budalla nuk është.

Mënyra se si reagojnë shumica tregojnë një mungesë të theksuar jo vetëm kulture e informacioni, por fyejnë edhe veten e tyre me qëndrimet që mbajnë. 

Të gjithë kundër kujt?
Kryeministri Edi Rama

Së pari kanë reaguar të gjithë, për çfarë? Kundër kujt? Kundër një qyteze brenda Tiranës që do jenë bektashinjtë? Ata e kanë qytezën e tyre, kanë rreth 11 hektarë truall atje, kanë edhe pallatin e tyre, mund të ndërtojnë, mund ta zgjerojnë, cili është problemi?

Shtet sovran? Një shtet sovran si Shqipëria ka gardë, ka ushtri, ka polici, ka Tatime, ka Doganë. Nuk flitet për gjëra të tilla.

CNA dje solli një shembull, urdhrin sovran të Maltës, që quhet një qendër e disa klerikëve që janë brenda kishës katolike. Si kjo mund të jetë edhe qendra në Tiranë. (Lexo këtu)

Të gjithë kundër kujt?
Pallati i Urdhrit të Ushtarëve të Maltës

Siç e ka deklaruar edhe sot kryeministri në rrjetet sociale, është propozuar që qendra e bektashinjve të jetë Shqipëria, që në fakt në Shqipëri ndodhet Kryegjyshata Botërore e Bektashinjve. (Lexo këtu)

Rama sot e ka thënë qartë: "Të adresosh sot këtë çështje do të thotë të mbrosh një vlerë të jashtëzakonshme të trashëgimisë historike dhe kulturore të kombit shqiptar, pa llogaritur edhe të tjera të mira të mëdha që do t’i sjellë Shqipërisë e shqiptarisë krijimi i një entiteti të tillë sovran në botën e trazuar ku jetojmë. Po për t’i folur urtësisht e qetësisht këto e kemi të gjithë kohën e nevojshme përpara".

Ku qëndron e keqja?

Kanë filluar me patriotizma, me komunizma, me koncepte, me injorancë, lloj-lloj budallallëqesh, po sikur të kërkojnë katolikët atdheun e tyre? Po sikur të shpallet kjo republikë autonome? Po sikur të bëhet kjo kështu e ajo ashtu?

Një mijë e një gjëra, të gjithë kundër. Për çfarë? I pyet edhe klerikët, i dëgjon edhe në protestat e tyre, edhe ata janë të paqartë, nuk dimë asgjë, thonë se sa propozimi i dhënë nga Rama në OKB apo fjala e tij, apo çfarë shkruante “New York Times”. (Lexo këtu)

Të gjithë kundër kujt?
Kryeministri Edi Rama

Kur nuk dinë, pse reagojnë? Ende nuk ka një draft-projekt të propozuar, çfarë do jetë, si do të funksionojë, cilat do të jenë raportet.

Mund të mos e quajnë Urdhri Sovran, por do ta quajnë Qyteti i Bektashinjve dhe nuk do të ketë ndonjë përfitim të madh, por do të jetë një zonë e lirë për klerikët bektashinj që të jetë pa taksa. Taksat mund t’u hiqen edhe orthodhoksëve dhe myslimanëve, siç janë përjashtuar nga një sërë taksash. (Lexo këtu)

Për çfarë kanë reaguar, se kjo është më qesharakja nga të gjitha? Reagojnë të gjithë, por kundër çfarë?

Të gjithë kundër kujt?

Pse do të ndërtohet zona te bektashinjtë, e do të ketë zhvillim? Apo ata do të kenë lehtësira taksash? Apo mund të printojnë pasaportën e tyre?

Për çfarë kanë reaguar të gjithë? Se do të kenë qendrën e tyre botërore, që në fakt e kanë si Kryegjyshatë Botërore, por mund të kenë një status më të veçantë, mund të kenë një status ekstraterritorial dhe mund të kenë pasaportën e tyre.

Nuk ka asgjë të keqe në thelb, janë vërsulur të gjithë kundër dhe askush nuk di asgjë. Ky është thelbi i gjithë kësaj historie./ CNA





Lajmet e fundit nga