web counter
LEXO PA REKLAMA!

SHKARKO APP

App Store
Google Play

E fundit!

x

Shtrembërimi i së vërtetës për 11 hektarët e shtetit bektashi në mediat shqiptare

24 Shtator 2024, 12:42, Aktualitet CNA
Shtrembërimi i së vërtetës për 11 hektarët e
Kryegjyshata Botërore në Shqipëri

Të shtunën e 21 shtatorit, media prestigjioze amerikane “New York Times”, raportoi se në Shqipëri do të krijohej Shteti Sovran i Urdhrit Bektashi.

Këtë nismë e kishte ndërmarrë kryeministri Edi Rama, i cili kishte zbuluar planet për “New York Times” dhe më pas i prezantoi edhe në OKB.

Prestigjiozja amerikane kishte marrë edhe një prononcim nga Baba Mondi, ndërsa shpjegohej se si do të funksiononte kjo nismë e Ramës.

Shtrembërimi i së vërtetës për 11 hektarët e
Baba Mondi

Një detaj që u komentua ishte ai i sipërfaqes së tokës, ku pati një keqkuptim nga mediat shqiptare, që më pas u zmadhua edhe nga analistët në studio televizive.

Në artikullin e “New York Times” thuhet se Shteti Sovran i Urdhrit Bektashi, që do të ketë administratën dhe pasaportat e tij, do të ketë një sipërfaqe prej 27 akrash. 27 akra janë 11 hektarë.

Në media u raportua se bëhej fjalë për një sipërfaqe prej 27 hektarësh, kur në të vërtetë janë 27 akra, e thënë ndryshe 11 hektarë.

Këto 11 hektarë janë toka që ndodhen te Kryegjyshata Botërore dhe janë në pronësi të saj.

Shtrembërimi i së vërtetës për 11 hektarët e
Kryegjyshata Botërore në Shqipëri

Kryegjyshata përmban një sallë mbledhjesh dhe lutjesh, një muze që tregon historinë e urdhrit, një klinikë, një arkivë dhe zyrat e Baba Mondit.

Gjithashtu, një sipërfaqe toke ka mbetur bosh dhe mund të ndërtohet sipas kërkesave që ka Kryegjyshata Botërore, sipas rregullave urbanistike.

Fakt është që flitet për 11 hektarë tokë dhe jo 27 hektarë!/ CNA





Lajmet e fundit nga