web counter
LEXO PA REKLAMA!

SHKARKO APP

App Store
Google Play

E fundit!

x

Shteti Bektashi/ Altin Goxhaj: Nesër, padi në SPAK për Ramën

23 Shtator 2024, 22:13, Aktualitet CNA
Shteti Bektashi/ Altin Goxhaj: Nesër, padi në SPAK për Ramën
Avokati Altin Goxhaj

Avokati Altin Goxhaj paralajmëroi padi në SPAK për kryeministrin Edi Rama në lidhje me iniciativën për krijimin e Shtetit Sovran të Urdhërit Bektashi.

Goxhaj deklaroi në një dalje televizive se propozimi i Ramës është ide e filantropistit George Soros.

Sipas tij, me këtë propozim kreu i qeverisë ka konsumuar disa vepra penale, të tilla si tradhtia, dorëzimi i territorit, nxitje urrejtje dhe nxitje urrejtje mbi baza fetare.

"Ju kam frikë se keni bërë padashje atë që donte Rama. Diskutuat për çështjet e bektashinjve, ky është operacion jo vetëm marrëdhëniesh publike por anti-kushtetues, që ka për qëllim të krijojë precedentin e copëtimit të Shqipërisë.

Rama ka konsumuar disa vepra penale. Do ju citoj vetëm tre, tradhtia, dorëzimi i territorit. Ka bërë nxitje urrejtje dhe nxitje urrejtje mbi baza fetare. Fakti më i rëndësishëm është takimi i Aleks Soros me Ramën në gusht. Soros është autori. Në 30 gusht Rama ka këtë foto me Aleksin dhe pastaj ka bërë takim me presidentin e Izraelit. Aleksi është pronari i Shqipërisë, Rama drejtori.

Rama ka deklaruar se ka filluar punë me kohë të papërcaktuar një grup ekspertësh. Nga të dhënat që mbidhen, të vetmit ekspert, janë ekspertët e Fondacionit Soros që këshillojnë qeverinë shqiptare.

Ekspertët që po shkruajnë dorëzimin e territorit dhe po krijojnë operacion të konfliktit fetar, që nuk ka ekzistuar në vendin tonë, i shpikur nga kryeministrit, operacion i ndërhyrjes në çështje të fesë.

Pse kishte rëndësi?

Kam bërë një test, një material, 72 faqe dhe rezulton se hapja e kësaj loje është e sigurtë që krijon precedent për çdo lloj shteti dhe enklave të krijohet në Shqipëri. Është pjesë e axhendes të shpopullimit", theksoi avokati./ CNA





Lajmet e fundit nga