web counter
LEXO PA REKLAMA!

SHKARKO APP

App Store
Google Play

E fundit!

x

“Dita Ndërkombëtare e Gjuhës së Shenjave”

23 Shtator 2024, 10:31, Aktualitet CNA

“Dita Ndërkombëtare e Gjuhës së Shenjave”

“Asambleja e Përgjithshme e Kombeve të Bashkuara” vendosi datën 23 shtator, si "Ditën Ndërkombëtare të Gjuhës së Shenjave", me qëllimin e rritjes së vetëdijësimit për rëndësinë e gjuhës së shenjave dhe realizimin e të drejtave të plota për personat e shurdhër.

Kjo shihet si një mundësi unike për të përkrahur dhe mbrojtur identitetin linguistik dhe diversitetin kulturor të përdoruesve të kësaj gjuhe.

Sipas Federatës Botërore të të Shurdhërve, ka më shumë se 70 milionë njerëz të shurdhër në mbarë botën.

Më shumë se 80% e tyre jetojnë në vendet në zhvillim. Së bashku, ata përdorin më shumë se 300 gjuhë të ndryshme të shenjave.

Ambasada e Shteteve të Bashkuara në Tiranë, ka postuar në rrjetin "X" një mesazh urimi.

“Shqipëri, Gëzuar Javën Ndërkombëtare të Shurdhërve! Sot është #Dita Ndërkombëtare e Gjuhës së Shenjave , që festohet si pjesë e #Javës Ndërkombëtare tëShurdhërve . Kjo javë i kushtohet ndërgjegjësimit dhe njohjes së rëndësisë së gjuhëve të shenjave në mbarë botën. Na kujton rëndësinë e përfshirjes, tejkalimit të boshllëqeve të komunikimit dhe mbrojtjes së të drejtave të komuniteteve të shurdhër dhe atyre me vështirësi në dëgjim. Le të punojmë për të siguruar akses të barabartë në komunikim për të gjithë,”-shkruhet në njoftimin e Ambasadës së SHBA-së./CNA





Lajmet e fundit nga