web counter
LEXO PA REKLAMA!

SHKARKO APP

App Store
Google Play

E fundit!

x

Barazia gjinore/ Hasani në OKB: Duhet të bëjmë më shumë për gratë

22 Shtator 2024, 16:40, Aktualitet CNA

Barazia gjinore/ Hasani në OKB: Duhet të bëjmë më

Kryeministri Edi Rama dhe ministri i Jashtëm Igli Hasani ndodhen në New York, ku do të marrin pjesë në sesionin e 79-të të Asamblesë së Përgjithshme të Kombeve të Bashkuara.

Gjatë këtij takimi do të diskutohet për atë që po ndodh aktualisht me Ukrainën, Gazën apo Sudanin dhe trazirat në vendet e tjera.

Ministri i jashtëm Igli Hasani ka qenë pjesë e një takimi ku në fokus ishin diskutimet për barazinë gjinore .

Hasani nënvizoi nevojën për politika që nxisin angazhimin e grave në jetën publike.

“Kam parë pasojat e tmerrshme të agresionit rus në Ukrainë dhe efektet e luftës te gratë ukrainase. Kam parë vuajtjet e grave në Gaza, ato po jetojnë në kushte të tmerrshme. Kam parë miliona gra të zhvendosura në Sudan apo edhe diskriminim të grave në Iran. Ne duhet të bëjmë më shumë për të gjithë këto gra sepse kjo është detyra jonë”, tha ministri Hasani.

Ministri Hasani pritet të firmosë disa marrëveshje për liberalizimin reciprok të vizave, në funksion të forcimit të pasaportës shqiptare në botë.

Po ashtu, ai do të ketë takime dypalëshe me Ministrat e Jashtëm të Azerbajxhanit, Bullgarisë, Egjiptit, Gjeorgjisë, Kazakistanit, Maltës, Marokut, Mongolisë, Turkmenistanit, Qipros./ CNA





Lajmet e fundit nga