web counter
LEXO PA REKLAMA!

SHKARKO APP

App Store
Google Play

E fundit!

x

Bozdo, akuza kryeministrit/ "Me Ramën nuk bëhen zgjedhje të lira, duhet qeveri teknike"

21 Shtator 2024, 19:05, Aktualitet CNA
Bozdo, akuza kryeministrit/ "Me Ramën nuk bëhen zgjedhje të
Drejtuesi politik i Qarkut të Beratit, Enno Bozdo

Drejtuesi politik i Qarkut të Beratit, Enno Bozdo, hodhi akuza ndaj kryeministrit Edi Rama këtë të shtunë, lidhur me zgjedhjet paralamentare 2025.

Bozdo tha se me Ramën është se është e pamundur që të behën zgjedhje të lira apo të ndershme.

Ai deklaroi se qeveria do të ushtrojë presion ndaj administratës publike dhe do të shkelë çdo ligj duke dhënë bonues për pensionistët pak para zgjedhjeve.

Bozdo theksoi në një dalje televizive se për këtë arsye duhet një qeveri teknike.

“Besoj se nuk ka asgjë për të mbajtur të fshehtë dhe nuk ka asgjë të jashtëzakonshme të asaj që do të ndërmarrë opozita.

Së pari ju e dini që prej kohësh ne e kemi thënë që zoti Berisha, kryetari i Partisë Demokratike ka artikuluar kërkesën për qeveri teknike.

Kjo nuk është një kërkesë që vjen si rrufe në qiell të hapur dhe unë besoj se është një ndër kërkesat më të logjishme, duke parë rrjedhjen e ngjarjeve në vend apo atë se çfarë ka ndodhur me zgjedhjet.

Jo vetëm kaq, por kemi parë se si ka qenë sjellja e mazhorancës në dy apo tri proçeset e fundit zgjedhore, cilat kanë qenë raportet e ODIHR apo denoncimet e bëra nga PD.

Denoncime këto që me një emërues të përbashkët, duke dashur ta thjeshtoi atë që ka ndodhur me Edi Ramën është se është e pamundur që me të të kemi zgjedhjet të lira apo të ndershme. Involvimi i parave të krimit apo grupeve kriminale, janë të provuara tashmë.

Presioni publik ndaj administratës publike apo shkelja e çdo ligji duke dhënë bonues për pensionistët pak para zgjedhjeve, siç ndodhi në zgjedhjet e kaluara janë faktorë që e bëjnë të domosdosme minimalisht qeverinë teknike, pasi në një qeveri teknike këto nuk ekzistojnë.

PD në aq vite që unë mbaj mend ka nxjerrë drejtuesit e saj politik që në Shtator dhe ne e konsiderojmë nxjerrjen e drejtuesve thelbësorë në dy aspekte, së pari në përgatitjen e strukturave dhe së dyti komunikimi me qytetarët”, nënvizoi drejtuesi politik i Qarkut të Beratit./ CNA





Lajmet e fundit nga