E fundit!

12:08 Aktualitet

Edhe një tjetër “pikëz e voçkël” mbushet me shtëpi

Analisti dhe gazetari Mentor Kikia ka reaguar pas zjarrit ...

Kush është ish-bashkëpunëtori që po “fundos” Metën?

21 Shtator 2024, 12:02, Aktualitet CNA

Kreu i Partisë së Lirisë, Ilir Meta

Kreu i Partisë së Lirisë, Ilir Meta, në konferencën e djeshme me gazetarët, foli për hetimet e SPAK-ut ndaj tij.

Meta tha se një ish-bashkëpunëtor i tij është duke bashkëpunuar me SPAK-un për ta fundosur.

Sipas tij, ky person po bën inskenime të bisedave ambientale kundër tij.

Ai pohoi dje se hetuesit kanë gjetur diçka, por për njerëzit që dikur Meta i ka pasur pranë dhe tashmë i përdorin si pendito kundër Metës.

“Po, jemi në dijeni të plotë që falë përpjekjeve për të gjetur diçka rreth Ilir Metës, kanë gjetur diçka rreth njerëzve që dikur Ilir Meta i ka patur pranë edhe përpiqen t’i përdorin si pendito të deklaruar apo të padeklaruar, duke bërë dhe inskenime të bisedave gjoja ambientale, të cilat janë një estradë e vërtetë”, deklaroi kreu i PL-së, pa treguar se për cilin ish-bashkëpunëtor bëhet fjalë.

Megjithatë, dyshime të forta lindin se personi të cilit iu referua Meta dje është Elvis Mataj, ish-kreu i LRI-së dhe ish-drejtori ekzekutiv i kompanisë “DIA”.

Elvis Mataj

Mataj përmendet në padinë e bërë nga juristi Romeo Kara ndaj Metës, si një person i afërt i kreut të PL-së dhe i Kastriot Ismailajt, pronarit të kompanisë “DIA”.

“Elvis Mataj ka pasur njohje te hershme me Ismailajn. Ai ka bërë edhe disa punë të tjera për të, kur ka pas punuar si drejtor, në një bankë të nivelit të dytë në Tiranë. Elvisi ka pasur edhe me Ilir Metën njohje të hershme, pasi kanë milituar bashkë në Forumin Rinor Eurosocialist, si dhe në LSI. Elvisi është themelues i LSI-së, si dhe drejtuesi i parë i LRI-së. Po kështu Elvis Mataj është edhe vëllai i ish-këshilltarit të kryeministrit Berisha, Endri Mataj”, thuhet në padi.

Gjithashtu, Romeo Kara përmend edhe një bisedë e tij me Elvis Matajn, ku ky i fundit pretendon se Ismailaj i ka dërguar një çantë me para Metës.

“Elvis Mataj më ka pohuar në mënyrë të përsëritur, mua personalisht se: Kastriot Ismailaj i ka çuar në shtëpi Ilir Metës, në një çantë ngjyrë kafe, që i përkiste Elvis Matës, rreth 200 milionë lekë të vjetra. Kjo gjë ka ndodhur, sipas Elvisit në fund të vitit 2010 ose në fillim të vitit 2011. Më shumë ka mundësi në fillim të vitit 2011”, theksohet në padi.

Elvis Mataj raportohet se deklaroi kundër Kastriot Ismailajt para togave të zeza në 2016-ën dhe rëndoi pozitën e pronarit të kompanisë “DIA”, iu cili më pas u dënua me 11 vjet burg nga Gjykata e Tiranës.

Megjithatë, ende nuk është konfirmuar nëse personi që po dëshmon kundër Metës është sërish Mataj./ CNA