web counter
LEXO PA REKLAMA!

SHKARKO APP

App Store
Google Play

E fundit!

x

Bie prodhimi i fasules/ Fermerët e Devollit: Nuk nxjerrim dot shpenzimet, shteti nuk na ndihmon

21 Shtator 2024, 13:54, Aktualitet CNA

Në fshatin Tren të Devollit, pjesa më e madhe e familjeve merren me kultivimin e fasules, si mënyra e vetme e të ardhurave për ta. Tokat e mbjella me fasule shihen në sipërfaqe të mëdha që në rrugën hyrëse të fshatit, çka tregon edhe punën e madhe që bëjnë këta banorë të zonës. Prej më tepër se 5 vitesh, në kultivimin e fasules shihet që prodhimi ka pësuar rënie, por ky vit është më i vështiri për fermerët pasi prodhimi është shumë i pakët.

Ismail Xhaxhe është një fermer i vjetër, i cili gjithë jetën e tij ka punuar në këtë sektor, së bashku me bashkëshorten dhe fëmijët.

Ai tregon arsyen kryesore të përballjes me prodhimin e ulët, pikërisht temperaturat e larta që kanë sjellë thatësirën dhe s’kanë lejuar që fasulet të prodhohen edhe në cilësi.

Bie prodhimi i fasules/ Fermerët e Devollit: Nuk nxjerrim dot shpenzimet,

“Fasulja këtë vit shumë dobët, mos të themi që nuk do të nxjerrim shpenzimet tona që kemi harxhuar. Nga temperaturat dy muaj rresht, e patë edhe vetë që arritën 40 gradë. Fasulja e ka 25, e shumta 28 gradë, jo më shumë. Ujë fillimisht pati, pastaj vaditi 2-3 herë dhe mbaroi, s’kishte më.”

Ismaili në total ka 11 dynym fasule, por prodhimi që pret të mbledhë është shumë i pakët. Ai thotë se në 3 dynym, nuk merr dot as 1 kuintal fasule.

“Unë kam 11 dynym fasule, çfarë do marr? Në 3 dynymë as 1 kuintal fasule nuk ka. Edhe ato s’janë të mira, s’kanë cilësi të saktë. Të shohim tani ato që s’kemi bërë, janë 8 dynym, i premë, i kemi gati po të mbajë koha tani që të bëhen.”

Bie prodhimi i fasules/ Fermerët e Devollit: Nuk nxjerrim dot shpenzimet,
Fermeri Ismail Xhaxhe

Ndërsa e pyesim për çmimin, me shumë keqardhje, fermeri thotë se nuk do të arrijnë të nxjerrin dot as shpenzimet, ndërsa shprehet se nuk ka asnjë mundësi konkurrimi me prodhimin që vjen nga jashtë.

“Po çfarë çmimi? Le të bëheshin, i shisja e me çmim 2500 lekë të vjetra po vetëm të kisha prodhim. S’ka prodhim, sikur edhe 10 mijë t’i shesim, ne nuk arrijmë dot të mbulojmë as shpenzimet. Duhet parë edhe sa do t’i marrë tregu, se tani sjellin ata nga jashtë edhe këto tonat mbeten. Puna që bëhej në bujqësi më përpara, ne nuk e bëjmë dot, për çdo gjë. Ndodhi thatësira. Sistemet e vaditjes janë, po nuk ka ujë. Thatësira, s’bëri as dimër, bujqësia kështu është e lidhur. Jo, as bëhet fjalë për të konkurruar. Ne s’na jep shteti asgjë, shteti vetëm na merr taksat që i paguajmë.”

Në këtë situatë ndodhet pjesa më e madhe e familjeve të fshatit Tren në bashkinë e Devollit, të cilët po përballen me një tjetër dëm të madh, kjo shkaktuar nga temperaturat e larta që mbizotëruan në vendin tonë. Për fermerët ka edhe një shpresë tek prodhimi që presin ta mbledhin këtë muaj, për të parë fillimisht cilësinë e më pas çmimin që do të mund ta shesin në treg./ CNA





Lajmet e fundit nga