web counter
LEXO PA REKLAMA!

SHKARKO APP

App Store
Google Play

E fundit!

x

Shtet si Vatikani për bektashinjtë në Tiranë/ Baba Mondi: Na ka befasuar, Rama nuk na ka pyetur

22 Shtator 2024, 13:53, Aktualitet CNA
Shtet si Vatikani për bektashinjtë në Tiranë/ Baba Mondi: Na
Baba Mondi

Kryegjyshi Botëror i Bektashinjve, Haxhi Dede Edmond Brahimaj, ka reaguar në lidhje me deklaratat e kryeministrit Edi Rama për krijimin e një mikroshteti si ai i Vatikanit në Tiranë.

Në një prononcim për “Off the Record”, Baba Mondi është shprehur se është i befasuar nga lajmi dhe se kjo është një nismë e Ramës dhe për këtë nuk janë pyetur.

“Lajmi se Shqipëria mund t'i japë sovranitet Urdhrit Bektashi për pavarësi territorial na ka befasuar. Ne nuk e kemi kërkuar dhe nuk pretendojmë të krijojmë një shtet mysliman. Nisma është tërësisht e kryeministrit Rama. Nuk jemi pyetur, mbi ato që Kryeministri ka deklaruar në ‘The New York Times’”, tha Baba Mondi për "Off the Record" me Andrea Dangllin në "A2CNN".

Prestigjiozja amerikane shkruante se bëhet fjalë për një enklavë sipas modelit të Vatikanit, por katër herë më e vogël, çka do të thotë se Shteti Sovran i Urdhrit Bektashi do jetë shteti më i vogël në botë.

Sipas kryeministrit Edi Rama ky shtet do të ketë për synim promovimin e tolerancës fetare, por Kryegjyshi i Bektashinjve nënvizoi se në territorin e tij do të lejohet alkooli dhe femrat do të veshin çfarë të duan, pasi nuk do ketë rregulla për stilin e jetesës.

“Zoti nuk ndalon asgjë; kjo është arsyeja pse na dha mendje. Të gjitha vendimet do të merren me dashuri dhe mirësjellje”, tha Baba Mondi për gazetën “New York Times”.

Ndërkohë mësohet se një ekip ekspertësh ligjorë, përfshirë juristë ndërkombëtarë, po hartojnë legjislacionin përkatës.

“Deri më tani, Edi Rama, një katolik jopraktikant, tha se vetëm disa nga ndihmësit e tij më të afërt e dinë për planin dhe aleatët e NATO-s si Shtetet e Bashkuara nuk janë konsultuar”, shkruante prestigjiozja amerikane./ CNA





Lajmet e fundit nga