web counter
LEXO PA REKLAMA!

SHKARKO APP

App Store
Google Play

E fundit!

x

Projekti i gazifikimit në Korçë/ Realizimi, falë linjës së gazsjellësit TAP

22 Shtator 2024, 18:47, Aktualitet CNA

Projekti i gazifikimit në Korçë/ Realizimi, falë

Ambasadori i Azerbajxhanit në Shqipëri Anar Huseynov ka folur për projektin e gazifikimit të Korçës ku ka deklaruar se është ende në fazë paraprake.Ambasadori Huseynov ka deklaruar se vitin e ardhshëm pritet që të ketë një projekt konkret.

“Jemi ende në bisedime me shtetin shqiptar, jemi në fazën që po përgatitim dokumentacionin dhe bazën ligjore. Këtë vit po finalizojmë këtë fazë, ka ende dhe pak punë, është projekt i madh ndaj ka pak burokraci dhe pas pak do të nisim dhe ideimin e projektit. Ne kemi dëshirë që projektin pilot ta kemi gati për vitin e ardhshëm”, tha ai.

Kryebashkiaku i Korçës, Sotiraq Filo është shprehur se gazifikimi do të jetë projekti që do të sjellë infrastrukturën e Korçës në standarte europiane.

“Është një prej projekteve tona më madhore i cili do të përmbyllë ndërhyrjet në infrastrukturën bazë të qytetit të Korçës, pas rindërtimit të ujësjellës-kanalizimeve, ndërtimit të landifillit, ky projekt do ta sjellë infrastrukturën bazë të Korçës në standarde europiane. Është një projekt përmes të cilit synojmë të japim një alternative të përballueshme për të zgjidhur ngrohjen gjatë dimrit. Që gjithashtu do të jetë shumë më miqësore me mjedisin se sa është përdorimi masiv i drurit për zjarr”, ka deklaruar kryebashkiaku Sotiraq Filo.

70% e këtij projekti do të përballohet nga qeveria shqiptare ndërkohë që pjesa tjetër do të jetë mbështetje nga ana e qeverisë së Azerbajxhanit, e projektuar nga kompania e mirënjohur SOKAR, ndërkohë që linja e gazit do të përfitohet nga ana e projektit ndërkombëtar TAP./ CNA





Lajmet e fundit nga